4-8 urte artekoendako, Eneko Etxegarairen eskutik.
Irene Solaren 'Nik kantatu eta dantza egiten du mendiak' liburuaren gaineko saioa, Alex Gurrutxagak gidatuta.
Azaroaren 17an, 2019tik Eskoriatzan bizi den Mohammed Lamine Meyara kazetariak Saharako errealitatera hurbilduko ditu herritarrak. Sahararen eta Marokoren arteko gatazka, su-etena, Nazio Batuen ahaleginak, berriro gerrari ekitea... Halakoak izango ditu hizpide.
Itziar Zigak, Miren Arangurenek eta Jokin Azpiazuk egingo dute berba, Ez Donk Amaitu egitarauaren baitan.
Aloña Mendiko bulegoan egongo dira gaur 2022ko mendi federatuko txartelak egiten. Datu pertsonalez gain, federatu nibela (Euskal, FEDME) eta gehigarririk gura duten galdetuko diete joaten direnei (Frantziar Pirineoa, mundu osoa, BTT, Pistako ski alpinoa, snowboard). Aurtengo federatuei automatikoki berristuko zaie txartela, daukaten kobertura berdina mantenduz. Aloña Mendiko edozein irteeran parte hartzeko derrigorrezkoa da federatuta egotea. Internet bidez ere egin daiteke mezua hona bidalita: alonamendi.mendi@gmail.com (mezua azaroak 21 baino lehen).
Ez Donk Amaitu egitasmoaren baitan. Gaurtik azaroaren 27ra arte.
Hamalau margolan bildu ditu bakarkako laugarren erakusketan. Ikusgai egongo da hilaren 30era arte.
Bergarako LHL Elkarteak antolatuta eta Miguel Altuna Lanbide Heziketaren eta Bergarako Udalaren laguntzari esker, Komunikazio Ez Sexistari buruzko formazioa eskainiko da Bergaran. Hiru saio izango dira, azaroaren 16, 23 eta 30ean, 17:30etatik 19:30etara, Miguel Altuna Lanbide Heziketan (presentziala), euskaraz eta dohainik. Ondoko puntu hauek landuko dira: Neutraltasuna eta hizkuntzen sexismoa. Komunikazio ez sexistarako baliabideak eta errekurtsoak. Komunikabideko iruditeria genero ikuspegitik. Jendaurrean komunikatzeak sortzen diguna: Gorputz espresioa. Irakasleak: Iraitz Agirre Aranguren eta Oihana Jausoro Agirre, EMUN aholkularitzako berdintasun teknikari eta adituak izango dira.Oraindik plaza libre batzuk gelditzen dira. Informazio gehiago nahi izanez gero edo izena emateko 943 899 272 / 943 899 273 zenbakietara deituta edo ikastaroak@maltuna.eus helbideetara idatzita.