Non dago altxorra? orientazio jolasa egingo dute martitzenean, 10:00etan, herriko plazan. 12 eta 16 urte bitarteko gazteei zuzendutakoa izango da. Gazte udalekuetakoek parte hartuko dute; eta, horiez gain, izena eman eta edonork parte har dezake. Izena udaletxean eman behar da uztailaren 17a baino lehen, 5 euro ordainduta.
Zuzeneko online hitzaldia KZguneak antolatuta. Gaurko gaia: ezagutu streaming plataformak. Euskaraz
Bergarako udako kultura eskaintzaren baitan antolatutako ekintza da. Umeek Asterix eta edabe magikoa pelikulaz gozatzeko aukera izango dute, Espoloian, 19:00etatik aurrera.
Martizinema gaztetxean. '80 egunean': Axun (Itziar Aizpuru) eta Maitek (Mariasun Pagoaga) eskolan ezagutu eta bion arteko harremanak ezin laguntasunetik baino haratago joan. Bizitzak bananduta, Axun ezkondu egiten da eta Maitek bere benetako sexualitatea ezagutzen du. Berrogeita hamar urte pasa eta gero Donostiako ospitale batean topatu eta lehenengo sentimenduak berpizten dira.
Arizondo Argazkizale Elkarteko hamahiru kidek Begiradak-Miradas erakusketa zabalduko dute uztailaren 10ean, Aroztegi aretoan eta uztailaren 26ra arte izango da erakusketa ikusgai; 39 argazkitan askotarikoak daude jasota: paisaiak, erretratuak, eraikinak... horiek guztiak, koloretan eta zuri-beltzean.