Aralar aldera egingo dute txangoa, Lizarraustitik aterata. Eguenera arte dago zabalik izenematea.
Arrasateko Udalak antolatuta, Murugain mendi inguruari bira. Tontorrera igo barik, aukera paregabea bideberriak ezagutzeko. Irteera 09:00etan izango da, herriko plazan. Eta ekintza honetan parte hartzeko, aurrez izena eman behar da, www.arrasate.eus/ezagutu atarian.
Arantzazuko parketxeak txango gidatua antolatu du domekarako, uztailaren 12rako. Irteeraren helburua da ibilbidean zehar dauden begiratokietan, natura-parkearen paisaiak interpretatzea, alegia, ezaugarriak, landaredian, antzinako lanbideak eta animaliak ezagutzea. Irteera 11:30ean izango da eta aurrez izena ematea komeni da.
Arizondo Argazkizale Elkarteko hamahiru kidek Begiradak-Miradas erakusketa zabalduko dute uztailaren 10ean, Aroztegi aretoan eta uztailaren 26ra arte izango da erakusketa ikusgai; 39 argazkitan askotarikoak daude jasota: paisaiak, erretratuak, eraikinak... horiek guztiak, koloretan eta zuri-beltzean.