Bergarako udako kultura eskaintzaren baitan, garagardo dastatzea izango da San Juan auzoan. Emanaldia uztailaren 1ean izango da, 17:00etan.
EH Bilduko Marian Beitialarrangoitiak eta Ainhoa Beolak sortu berri den egoerari aurre egiteko asmoz, Jaiki plana aurkeztuko dute. Hitzaldia uztailaren 1ean, eguaztena, Torresoroan 18:30ean eskainiko dute. Galdera eta ekarpenetarako tarte zabala izango da, baita beste gai batzuen inguruan aritzeko ere.
30 urte pasa dira Irunberriko gertaeratik eta horren bueltan antolatu den Itzaletik Argira ziklo barruko hitzaldia da. Txemi Gorostiza etorriko da eta gertaera haien gainean hitz egingo du.
Goitibera taldeak Yijaaa!!! antzezlana eskainiko du. Umorea oinarri dela, eta hainbat tramankulurekin baliatuta, ametsei haizea emango dien antzerkia eskainiko du konpainia bizkaitarrak.
Shakti Olaizolak zuzendutako 'Baldin Bada' ikuskizuna familiendako; musika eta akrobazia ikuskizuna. ESKU-LTU-RA Kultura eskura programaren barruan. Doan da baina aforoa mugatua izango denez txartelak hartu beharko dira aurrez udal webgunean edo Txokolateixan.
Hauteskunde kanpainako ekitaldia egingo du EAJk Bergaran. Gipuzkoako zerrendako lehenengo hiru hautagaiak elkartuko dira: Bakartxo Tejeria, Maria Eugenia Arrizabalaga eta Joseba Egibar; eta horiekin izango dira Debagoieneko hainbat ordezkari. Hitzaldian parte hartuko dute besteak beste, Elena Letek, Irune Galarragak eta Egibarrek.
Urteko ohiko batzar nagusia egingo dute Bergarako musika eskolan. Modu presentzialean egingo dute, eta asistentzia konfirmatzea eskatzen dute. Hauek dira landuko dituzten gaiak: Aurreko bilerako aktaren irakurketa eta onarpena Datu akademikoak eta 2019-2020 ikastuterako egitasmoak 2018-2019 ikasturteko ekonomi ekitaldiko emaitzak eta 2019-2020 aurrekontua Kuoten igoera, langileen baldintzak. Zuzendaritza batzorderako kide berrien hautaketa.