Ostirala, ekainak 19

10:00

Maskaren banaketa

Maskarak banatuko ditu Udalak herritarren artean. 70 urtetik gorakoek etxean jasoko dituzte. Gainerakoendako, plazan jarritako postu batean egongo dira banatzen goizez (10:00-12:30) eta arratsaldez (17:00-19:30)

19:00

Voces Navarras taldearen emanaldia

Voces Navarras talde nafarrak jotak eskainiko ditu Herriko Plazan. 7x7 kultura kalean egitasmoaren baitako kontzertua da.

19:00

Eskubide sozialak aldarrikatzeko elkarretaratzea

Euskal Herriko Eskubide Sozialen Kartarekin bat egin dute Antzuolan ere. Hala, Antzuolako Eskubide Sozialen Kartako kideek dei egin diete herritarrei biharko, Euskal Herrian barrena hedatuko den mobilizazio nazionalarekin bat egiteko.

19:00

Eskubide Sozialen Kartak deitutako agerraldia

Aurreko astean batzarra egin ostean, kale agerraldia egingo dute barikuan; 19:00etan, Herriko Plazan. Diote azken hilabeteetan "argi geratu" dela "sistema kapitalistak ez duela funtzionatzen", eta "pertsonak, herriak eta planeta babestea lehenetsi" behar direla "merkatuaren gainetik".

19:30

Giza katea: 'Publikoa eta funtsezkoa zaindu, aberastasuna banatuz. Lehenik bizitza!'

Euskal Herriko Eskubide Sozialen Gutunak (sindikatu eta eragile askotako plataforma) ekainaren 19ko mobilizazio anitzak deitu ditu, Publikoa eta funtsezkoa zaindu, aberastasuna banatuz. Lehenik bizitza! lelopean. Eskoriatzako Plazatik giza katea. Ekainak 19 Ostirala. 19:30etan. Eskoriatzako Plaza.

22:00

Musika emanaldia 'streaming' bidez: Zetak

Streaming bidezko kontzertuak hasiko dira eskaintzen Inkernu tabernan. Naiz-eko kontzertu guztiak eskainiko dituzte astero, eta ekainaren 19an, 22:00etan, Zetak taldea izango da.

22:30

'Black is Beltza' filma aire librean

Fermin Muguruzak zuzendutako 'Black is Beltza' animaziozko filma (2018) aire librean. ESKU-LTU-RA Kultura eskura programaren barruan. Doan da baina aforoa mugatua izango denez txartelak hartu beharko dira aurrez udal webgunean edo Txokolateixan.