Asteartea, maiatzak 26

Odol ateratzeak

Hilaren 26an, martitzena, odol ateratzeak egingo dituztela Antzuolan iragarri dute Gipuzkoako Odol Emaileen Elkarteko kideek. "Aurrez 40 odol emaileri telefonoz deituko diete odol ateratzea non eta zein ordutan egingo duten zehazteko. Babes neurri guztiak hartuko dira", dio Begoña Lete Antzuolako Odol Emaileen Elkarteko kideak

16:45

Odol ematea

Arabako Odol Emaileen unitate mugikorra izango da Durana kalean, 16:45etik 20:00ak bitartean. Odol premiak bere horretan jarraitzen duela gogorarazi dute eta herritarrak ematera gonbidatu dituzte.

17:00

Baserri ingurunean sortutako plastikoaren bilketa

Hauek dira bilketan puntuak: • Zanartu, Zuazola inguruan. • Murgialdai, Asentsio ermitan. • Olabarrieta, autobus geltokian. • Musika Eskolako gainekaldean.Batuko den plastiko mota: • Siloa estaltzeko erabiltzen den plastiko beltza • Belar boletan erabiltzen den plastiko beltza. • Negutegietan eta ortuan lurra estaltzeko erabiltzen den plastiko beltza. • Negutegiko plastiko zuria. OHARRA: Utzi plastikoa arratsaldez, esandako lekuetan, beste nonbait nahi bada deitu telefonoz (943762547).

18:00

Harremanei buruzko solasaldi telematikoa dago martitzenean

Konfinamenduak harremanen alorrera ekarritako egoerez hitz egingo dute martitzenean, hilak 26, Udaleko Berdintasun sailak antolatuta. Emakume arteko solasaldia izango da Maitena Usabiaga Sarasuarekin. Aurrez eman behar da izena eta galderak aurrez bidaltzeko aukera ere badago.

19:00

"Anaia–arreben arteko zeloak eta liskarrak nola kudeatu deskonfinamendu garaian"

Oñatiko Udalak, herriko ikastetxeek eta horietako Guraso Elkarteek gurasoen formazioaz arduratzeko osatu dugun lan-mahaiak antolatutako hitzaldia da. Nerea Mendizabal izango da dinamizatzailea. Formatua: Modu telematikoan eskainiko da hitzaldia, ohiko formatu presentzialean izan ordez. Izena eman ondoren jakinaraziko zaie interesatuei hitzaldira sartzeko erabili beharreko plataforma eta klabea zein diren. Izena emateko: ainhoa@onati.eus