Asteazkena, martxoak 18

Laburbira, film laburren zirkuitua

Martxoaren 18an iritsiko da Arrasatera Laburbira, euskarazko film laburren zirkuitua. Bederatzi lanek osatzen dute aurtengo emanaldia, 2018tik 2020ra bitartean egindakoak denak. Sortzaile gazteen sinadura daramate gehienek, baina badira tartean eskarmentu luzeko zuzendarienak ere. Bederatzi lanetatik sei dira emakumeek zuzendutakoak. Denen artean, ordu bete luzeko koktela osatzen dute; kalitatezkoa eta dibertigarria, zinemazaleei eta zehazki film laburren zaleei merezi duten gozatua emateko. Emanaldia 19:00etan hasiko da, Kulturateko areto nagusian, eta ikusleek zozketa batean parte hartzeko aukera ere izango dute. Zatoz eta goza euskarazko zinema berrienaz!!

18:30

Ainhoa Intxaurrandietaren hitzaldia - BERTAN BEHERA

Hitzaldiaren gaia da: 'Hondakinen negozioa Euskal Herrian. Zaborraren gaian hondakina garbiena'. Trapu Zikinak Astintzen taldeak eta Ernaik antolatuta

19:00

Laburbira, Arrasaten

“Laburbiraren” XVII. Edizioak 33 herri bisitatuko ditu aurten. Bederatzi film aukeratu dira aurtengo emanaldirako, elkarren oso ezberdinak, ordubete inguruko proiekzioa osatzeko. Kulturateko areto nagusian izango da, 19:00etan.

19:00

'Argi-izpiak txarrantxen artean. 14 begirada kartzela feminismotik birpentsatzeko' liburuaren aurkezpena

Martxoaren 8aren baitan, mugimendu feministak ekintza hau antolatu du. Argi-izpiak txarrantxen artean. 14 begirada kartzela feminismotik birpentsatzeko liburuaren aurkezpena egingo da Kulturaten, 19:00etan.

19:00

Erramu zapatuko bazkarirako txartelak

Apirilaren 4an ospatuko den Erramu zapatuko bazkarirako txartelak hilaren 18an, eguaztena, jarriko dira salgai Iralan (19:00); txartel bakoitzak 12 euroko prezioa izango du, eta pertsona bakoitzak gehienez lau txartel erosi ahalko ditu. Txapa irratiak eta Xaxauk antolatu dute bazkaria, Udalaren laguntzarekin.

20:00

'Ez, eskerrik asko! Gladysen leihoa' dokumentala

80ko hamarkada hasieran mugimendu antinuklearra puri-purian zegoen nazioartean, eta baita Euskal Herrian ere. Kostaldean eraikitzear ziren hiru zentralez gain (Lemoiz, Ea-Ispaster eta Deba), Arguedasen laugarren bat egiteko asmoa zegoen. Horren aurka protestatzeko, mobilizazioak antolatu ziren Tuteran. Gladys del Estal Ferreño Tuterara joan zen, baina ez zen itzuli. Manifestazio baketsu hartan, Guardia Zibil baten tiroak hil zuen. Film honek, Gladysen gertakariaren harira, garaiko gizartearen onespena lortu zuen mugimendu sozialaren erretratu bat egin nahi du. Mendi Bizirik taldea eta ZinemaOn zinekluba elkarlanean  

10:00

18:00

Martxoak 8ko kartelen erakusketa (BERTAN BEHERA)

Jabetze Eskola egitasmoaren baitan antolatutako erakusketa honetan, Martxoak 8 kartelak ikusteko aukera izango da. Erakusketa Emakume Txokoan egongo da ikusgai, martxoaren 4tik 18ra bitartean, honako ordutegian: Astelehenetik eguenera: 10:30-13:30 eta 15:00-18:00 eta egubakoitzean 10:00-14:00.

18:00

20:00

Argazki erakusketa (BERTAN BEHERA)

Sophia Morales Lopez argazkilari oñatiarraren argazki erakusketa: "Erakusketa honetan , nire ibilbide fotografikoko azken etapan sortu ditudan zenbait argazki aurkituko ditu ikusleak. Erretratuak eskaintzen dizkidan tresnez baliatuz aurrez aipatutako kontzeptuak landu nahi izan ditut". Gaur inauguratuko dute erakusketa eta zabalik egongo da martxoaren 22ra arte

Badugu zer aldarrikatu!

40 egun Joaquin eta Alberto gabe. 40 egunez gure osasunarekin jolasten. 40 egun, eta dimisiorik ez mahai gainean. Badugu zer aldarrikatu! Etxean ordu asko igaro behar dugun honetan, tartetxo bat eskainiko diogu Zaldibar Argitu! gaiarekin edo lemarekin eskulan bat egiteari. Bukatzean, bideo polit bat sortuko dugu egindako lan guztiekin. Joaquin eta Alberto ez ditugulako ahaztu, ez ditugulako ahaztuko. Langileak, osasuna eta erantzukizunak! ZALDIBAR ARGITU!