Txanda dendari elkartearen 'Azken txanpa' outlet azoka. Denda bakoitzaren kanpoaldean egongo dira produktuak, denda ordutan, goizez.
Gipuzkoako Topaketa Sozialisten egun nagusia. Egitaraua: 09:00, Gosaria. 10:00, Etorkizunari heltzeko moduaz, Zabalotegi frontoian. 14:00, Bazkaria. 16:00, Ekoizpen artistiko sozialista, UNEDen. 16:00, Langile kontrolpeko espazioak, Kartzela zaharrean. 16:00, Kultura militanteaz hausnartzen, Zabalotegi aretoan. 19:30, Manifestazioa: Gazte langileok Euskal Estatu Sozialista. 21:00, Afaria. 22:00, Kontzertuak Kartzela zaharrean: Habemus Papam, Criminal Remains eta DJak.
Tradizio espiritualetako testu fundatzaileen berrirakurketa, Agora elkarteak, Ereiten fundazioak eta Gune elkarteak antolatuta. Gaur: Budaren irakaspenen inguruko mintegi eta eztabaida. Hizlari-dinamizatzailea, Joxe Arregi. (Aurrez izena eman behar da)
Atopia RPG rol jokoaren berri ematera etorriko dira Kartzela Zaharrera. 10:00, Partida laburra ikusleentzat irekia. 12:00, Atopia liburu aurkezpena eta solasaldia.
Helduentzako antzerki taldea sortuko da Irazan Gunean. Saioak bi bloketan bananduko dira, bi ordukoak, eta tartean 30 minutuko atsedenaldia egingo da. Lehen zatian inprobisazio jokoak egingo dira eta bigarrenean, argiak itzalita dantzan arituko dira.
Jabetze Eskola egitasmoaren baitan antolatutako tailer hau, otsailaren 29an izango da, 10:00etatik 13:00etara bitartean. Ainara Gorostizu Muxikak gidatuko euskarazko solasaldia. Doakoa izango da. Feminismoak bi lan handi ditu amatasunari begira: bata, amatasuna instituzio bezala zalantzan jartzea; eta bestea, amatasuna, praktika eta esperientzia bezala, bizigarriago egiten laguntzea. Amatasuna politizatzen dugun bitartean, estrategia batzuk (estrategia feministak) eraiki behar ditugu amatasuna modu osasuntsuagoan eta bizigarriagoan bizitzeko. Ariketa honetan hasteko, saio honetan hausnartuko dugu zer den amatasun sanoa eta bizigarria, eta zer ez den (patriarkatuak zer eskatzen duen, amatasun hegemonikoak zer bultzatzen duen, amatasun eredu neoliberalak zer bultzatzen duen...), eta ondoren, estrategiak identifikatu eta partekatuko ditugu.
Jose de Azpiazu musika eskolak antolatutako kantu jira. Oñati abesbatzako kideek parte hartuko dute, herritarren batera. Foruen enparantzatik abiatuta herri guneko kaleetan barrena
Bergarako mendi astearen baitan boulder txapelketa egingo dute, Labegaraieta kiroldegian, 15:00etan hasita.
Zapatu honetan, Eskoriatzako elkarte gastronomikoen arteko mus txapelketa jokatuko da. Guztira, bost elkartetako ordezkariak batuko dira –Egokiena, Elizoste, Dorleta, Apotzagako Auzo-Etxe eta Errementei Batzokia–, 16:00etan, Egokienan, eta lehia handia egongo dela adierazi dute antolatzaileek.
'Operación Panda' animaziozko filma (Errusia, 2019). Zuzendaria: Natalia Nilova. Sarrera da lau euro.
Spies in Disguise marrazki bizidunen film (Estatu Batuak, 2019, 101 min.) izango dute umeek. Sarrera: 2 euro.
ATX teatroaren Kaskarot haur antzerkia izango da ikusgai Amaia Antzokian, 17:00etan hasita. Sarrera bost euro izango dira.
Gaztelekuak antolatuta mahai-futbol txapelketa, otsailaren 29a, 18:00etan. Interesatuek aurrez eman behar dute izena, ludotekan. Azken eguna: otsailak 26.
Marie de Jongh-en umeendako azken antzezlana, luzaroan beste ipuin askoren erruz sorginekiko izan ditugun aurreiritziak uxatuko dituena. Ekhi, umetan, hamaika arrazoigatik beldurtzen zen, baina baziren guztien gainetik beldur izugarria eragiten zizkiotenak: norbait babesgabe ikusteak eta mendi tontorreko etxola zaharkituan bizi ziren emakume bakarti eta maltzurrek. Poliki-poliki Ekhi beldur ugari gainditzen joan zen, bere armiarma salbatuz, eta gaur da eguna bera ere sorgina dela. Haurrentzako antzezlana 18:00etan hasiko da, Seminarixoan eta sarrera lau euro izango dira.
Fun dantz! dantza urbanoen lehiaketa jokatuko da Ibarra kiroldegian. Sarrerak, aurretik (Arkupen), 3 eurotan, eta egunean bertan (kiroldegian), 5 eurotan. Egitaraua: 18:00, Ate irekiera. 18:30, Epaileen ikuskizuna. 18:40, Gazteen kategoriako koreografiak. 19:15, Kategoria absolutuaren koreografiak. 20:00, bukaera.
Shane Curley & Azkaiter Pelox musikariek kontzertua eskainiko dute San Juan auzoko ermitan St. Patrick's Irish Gigs 2020 leloarekin.
'Dizdaitte' bertsolari gazteen sariketako finala. Parte hartuko duten bertsolariak dira: Maider Arregi, Ane Zuazubiskar, Urko Arregi, Oihana Arana, Eli Pagola, Txaber Altube eta Joanes Illarregi. Txinparta Bertso Eskoliak antolatutako txapelketa da. Elkarteko kideek egingo dute gai-jartzaile lana
Shane Curleyren eta Azkaiter Pelox taldearen eskutik, San Juan auzoko ermitan kontzertua izango da bihar, hilak 29, 19:00etan. Irlandako folk doinu onenekin, Irish Gigs 2020 bira ekingo dute San Juanen eta beste hainbat kontzertu egingo dituzte.
Todd Haynes zuzendariaren Dark waters ( Aguas oscuras) filmean (Estatu Batuak, 2019, 126 min.) Mark Ruffalo, Anne Hathaway, Tim Robbins aktore ezagunak dira protagonista eta benetan gertatutako istorio bat dakarte. Sarrera: 4 euro.
Hamasei urtetan Inkernu tabernatik pasa diren kontzertuen kartelen bilduma osatu du Atxorrotx Kultura Elkarteak. (120 kartel) Horrekin batera, Errekan Gora egitasmoko zenbait kartel ere batu dituzte, eta, guztiak asteburuan jarriko dituzte Inkernun ikusgai.
Jabetze Eskola egitasmoaren baitan antolatutako ikastaro hau, otsailaren 3tik martxoaren 9ra izango da, astelehenetan, 18:00etatik 20:00etara bitartean. Antzinako teknika hau erabiliko dugu sormena lantzeko. Guztiok sortzaileak gara egunero, sormenak askatasunaren usaina du. Sentitzen dugun hori bideratzeko, xilografia landuko dugu. Ez dugu zertan jakin marrazten, bidaia egiteko irrika soilik. Gure eskuek marraztuko dute linoleoan unean sentitzen duguna, eta paperean azalduko da isla, une horretako arnasa. Ezezagunak diren emakume sortzaile guztien omenez. Gu ere hemen gaude: gure ahotsa, nahia, gure eskuetan daude. Irribarrez, bidaiatzen.
Txotxongiloen munduan aditua den Corrado Masaccik Igelen itxuraldaketa erakusketa aurkeztuko die ikastetxeetako neska-mutikoei. Erakusketa, gainera, hilabete guztiane egongo da Arkupen. Hona hemen ordutegia: astelehenetik egubakoitzera: 11:00-13:00 eta 18:00-20:00; zapatuetan: 11:00-13:00 (domeka eta jai egunetan itxita).
Otsailaren 7tik martxoaren 1era bitartean ikusgai egongo da Bergarako Aroztegi aretoan, Iskander Barrenaren argazki erakusketa. Ordutegia honakoa izango da: asteartetik ostiralera bitartean 18:00etatik 20:30era, larunbatean goizez eta arratsaldez egongo da ikusgai eta igande eta jai egunetan, 12:00etatik 14:00etara.
'Gure herrikideak: hiri-biodibertsitatea' eta 'Lemoizko borroka anti-nuklearra' izeneko erakusketa dago zabalik kultura etxeko erakusketa gelan. Natur Eskolako langileek antolatu dute, Ingurumen Jardunaldien barruan. Gaur da inaugurazio ekitaldia. Martxoaren 8ra arte egongo da zabalik.
Eskoriatza Lagunkoiak, Udalarekin batera, MatiaZaleak elkartearen Bakardadeari begira izeneko erakusketa jarriko du Ibarraundi museoan. Erakusketa egun eta ordu hauetan ikusi ahal izango da: Otsailak 24, 25, 26, 27 eta 28, 10:00etatik 14:00etara, eta martxoak 2, 3, 4, 5 eta 6, 10:00etatik 14:00etara eta 17:00etatik 19:00etara. Bakardadea ikusteko hainbat modu jasotzen duten argazkiek osatzen dute erakusketa, MatiaZaleak elkarteak udaran antolatutako argazki lehiaketan bildutakoen artetik egindako aukeraketa da, argazkiekin gozatzeko eta gogoeta egiteko espazio bat eskaintzeko asmoz. Proiektu hori iazko urte amaiera aldera gai berari buruzko gogoetak jasotzeko postontziak jarrita gauzatu zen nire lagun bakardadearentzako postalak izenekoarekin osatu da. Horren ondoren, postalak aprobetxatuz, herriko ikastetxeek gaia lantzen aritu ziren eta esperientzia interesgarria izan zela aipatu zuten.
Asteburu honetan Bergarako udal pilotalekuan izango ditugun partiduak hauek dira.
Beldekarrek, Bergarako udalaren eta Eusko Jaurlaritzaren laguntzarekin, Neguko Aukeren azoka antolatu du. Neguko beherapenak bukatzeko azken errematea izango da eta eskaintza bereziak prestatu dituzte.
Iñigo Ramirez de Okariz historialariak Antzuolako hezkuntzaren historia jasotzen duen liburua aurkeztuko du, hilaren 27an, eguenean, Olaranen 18:30ean. Mendez mende euskal hezkuntzak eta Antzuolakoak izandako testuinguruak landu ditu.