Gaur egun arreta deitzen duen eraikin honek lau mendeko historia du. Eraikuntza lanak 1600. urtean hasi ziren, Juan de Mondragón Perura joandako Arkarazotarraren eskutik. Ordutik ona ugariak izan dira pairatu dituen gora beherak (sute handiak, jabetza aldaketak, erromesen abenturak...) eta eman zaizkion erabilerak (txiroentzako ospitalea, odol ospitalea, umezurztegia, fraideen komentua, unibertsitatea...). Bisita honetan eraikinaren nondik norakoak ezagutuko ditugu Ana Isabel Ugalde historialariaren eskutik. EMAN IZENA: 943796463 edo turismo@debagoiena.eus
Elkar Hezik antolatuta, urtero egin ohi den elkartasun azoka
Aurten ere Bezoka antolatuko dugu, Beart azoka alegia. Abenduaren 14an Bearteko kideak azokan izango dira, 10:00etatik 13:00etara bitartean. Marrazkiak, akuarelak, gabonetako Christmasak salgai edukiko dituzte.
Santamasen egitarauaren baitan, Artiletik harira izeneko tailerra izango da gaur, Kulturateko klaustroan. 10:00etan hasiko da ikastaroa eta 14:00etan amaitu.
Kulturateko Loramendi gelan zeramika tailerra izango da Imanol Aranbururekin. Bi orduko iraupena izango du ikastaroak 10:30etik 12:30era bitartean.
Herriko ekoizleak, artisauak eta merkatariak, 20 inguru, elkartuko dira plazan jarriko duten karpapean, aretxabaletarrei eskaintzeko eurek ekoiztutako eta erakusteko dituzten produktuak.
Arrasate historikoa ezagutzeko antolatutako bisita gidatua
2019ko irailaren 12an hil zen Jon Barberena idazle eta bertsolari nafarraren Izoztu zitzaigun negu hura liburua ardatz hartuta, jendaurreko irakurketa egingo dute zapatuan, abenduak 14, UNED-Bergarako areto nagusian (11:00). "Idazle Eskolakoez gain ahalik eta jende gehien gonbidatu nahi dugu parte har dezan, baita entzule edo ikusle gisara ere", adierazi dute antolatzaileek.
Izaskun Mujika ipuin kontalariak Ipuinen haria saioa eskainiko die neska-mutikoei. Babba Zarrah-ren istorioak ekarriko ditu: urrutiko eta gertuko ipuinak, neguko ipuinak, eskuzabaltasunari buruzko ipuinak… Sorpresaz betetako ipuin kontaketa izango da.
Azaroaren 9an egitekoa zen Mondragon Unibertsitatearen Huhezi fakultatearen egoitzaren bisita bertan behera geratu zen, eta, zapatu honetan egingo dute. Bisitan, eraikinaren nondik norakoak ezagutuko dituzte bertaratzen direnek, Ana Isabel Ugalde historialariaren eskutik. Hala, ele bitan eta doan izango da bisita, baina izena eman beharra dago, Ibarraundi museoan. Zapatuan, elkartzeko lekua ere museoa izango da.
Herriko Plazan, borobileko dantza saio parte-hartzailea izango da, Lore Gazteak eta Txikitxu taldeen eskutik. Ostean, Olentzeroren gutun banaketa egingo da.
Fran Vertizek Latinoamerica: proyectos politicos en disputa hitzaldia eskainiko du Antixena Gaztetxean.
Arrasateko Kids&Us-ek antolatuta, KIA eta bere UKELELEA & Companyren gabonetako kontzertua izango da haurrei zuzenduta. Emanaldia abenduaren 14an izango, 17:00etan, Seber Altube plazan.
Conrad Vernonek zuzendutako pelikula da, animatua eta 86 minutuko iraupena duena.
'La familia Adams' animaziozko filma (AEB, 2019). Sarrera da lau euro
Antixena Gaztetxeak antolatutako Jardunaldixak ekimenaren baitan, Nik sinesten dizut: bortxaketaren kultura eta San Ferminetako kasua hitzaldia eskainiko du Samara Veltek.
Saregilea da sareak egin eta konpontzeko lanbidea duen pertsona. Ia bakarrik femeninoan erabiltzen den esamoldea da, emakumeak izan eta direlako historikoki lan hori gauzatu dutenak. Organik Dantza-k esamoldea berreskuratu du eta bost emakumeren bitartez gonbidatuko gaituzte hausnartzen nola emakume horiek manta zulatu bat tartean dutela lantzen edo saretzen dituzten harreman pertsonal eta sozialak.
Emanaldi txiki bat eskainiko dute Kajoi tabernan, 19:30ean orain arte egindako lana kalera atera eta lagunartean arratsalde berezi bat pasatzeko asmoz. Bertan joko dituzte salgai izango duten Loratu da hazia diskoko zenbait kantu eta baita ezagunak diren beste hainbat ere.
El silencio de la ciudad blanca filma (Espainia, 2019) Zuzendaria: Daniel Calparsoro.
Gari & Maldanbera taldea Eskoriatzan izango da.
Abenduaren 14an, larunbata, Ertzak Bidean ikuskizuna eskainiko dute, Julen Alonsok eta Eneritz Aulestiak lagunduta, Angiozarreko elizan, 22:00etan hasita.
Donna Dunne abeslariak eta Philip Doyle gitarra-joleak osatzen duten Craic 'N' Roll taldeak emanaldi akustikoa eskainiko du zapatu honetan, Inkernun, 22:30ean hasita. Country, rock-and-roll eta gipsyjazz estiloak uztartzen dituzte, eta, euren kantuez gain, bertsioz betetako kontzertua eskainiko dute. Besteak beste, Elvis Presley, Janis Joplin eta Johnny Cash taldeen bertsioak, hain zuzen ere
'Legado en los huesos' filma (Espainia, 2019) Zuzendaria: Fernando González Molina. Sarrera da bost euro
Arrasate margo taldearen erakusketa Kulturaten egongo da ikusgai, azaroaren 22tik abenduaren 20ra bitartean, honako ordutegian: astelehenetik larunbatera bitartean, 17:30etatik 20:30era.
Izotz-pista pilotalekuan jarriko dute azaroaren 30etik abenduaren 15era bitartean. Ordutegia Astelehenetik egubakoitzera 17:00-19:00 Asteburu eta jaiegunak: 11:00-13:00 eta 17:00-19:00 Prezioa Haurrek 1€/20 minutu eta Helduek (18 urtetik gorakoek) 2€/20 minutu