Gidatutako dantzaldia, tradiziozko musika eta dantzaren oinarrian. Sokan, lotuan, soltean, korruan, jolasean... apur bat denetarik. Helburua, animatzen diren herritarrek dantzan elkarrekin ondo pasatzea. Debagoieneko, Debabarreneko, Durangaldeko eta urrunagoko dantzazaleen topaleku da Espaloiko Herrixa Dantzan saioa. Ohi bezala, edatekoak eta tortillak eramango ditugu. Laguntzailea: Elgetako Udala
Gaztagintzaren sekretuak ezagutzeko aukera eskainiko du Arantzazuko Parketxeak Gomiztegi artzain eskolarekin elkarlanean azaroaren 24an. Familia edo lagunartean goiza igarotzeko plana. Parketxetik abiatuko dira eta ibilbide irisgarritik barrena Gomiztegira helduko dira. Izena aurrez ematea komeni da.
'Osintxuko Gaztañatan' egitasmoaren barruan antolatutako ekintza izango da: 11:00etatik 14:00etara bitartean, bigarren eskuko azoka, plazan 14:00etan, bazkaria Txuringon.
Indarkeria Matxistaren Kontrako Nazioarteko Eguna aldarrikatzeko ekintzen artean Uxue Alberdi eta Miren Amuriza bertsolarien saioa, plazan. Eguraldi txarra bada, udaletxeko areto nagusian izango da saioa. Udal gizarte ongizate sailak eta Elgetako emakume taldeak antolatuta.
12:00etan, argazki lehiaketa. 12:00etatik aurrera, Elgetako tabernariek prestatutako pintxo bereziak dastatzeko aukera. Pintxoen prezioa: 1,30 euro. 13:00-14:30, Kidam magoa.
Belaunaldiz belaunaldi eutsi dio Bergarako tradizioari eta modernitateari lekua egin dio. Emanaldi berezia eskainiko du Bergarako musika bandak udal pilotalekuan.
Domekan, hilak 24, egingo du Oñatiko musika bandak Santa Zezilia eguneko kontzertu berezia. Santa Ana aretoan izango da, 12:45ean. Parrokiako abesbatzak ere parte hartuko du.
Abominable animaziozko filma. (AEB, 2019). Zuzendariak: Jill Culton eta Todd Wilderman. Sarrera da lau euro
EUSKAL MUSIKAREN BENETAZKO ISTORIOA “Ez dok Hiru”, Euskal Herriko kantutegian oinarritutako ikuskizun teatrala da. Gure modukoa, eroa, deskonzertantea, irrigarria azalez… Baina azal horren poro bakoitzari geure musikarekiko maitasuna dario. Antzezleak: Patxo Telleria eta Mikel MartinezIraupena: 75 minAdina: DenontzakoHizkuntza: EuskaraSarrera: 4 € (aldez aurretik kiroldegian salgai)
1984an, lau lagun gitarristek jarduera bati ekin zioten elkarrekin, susmatu ere egin gabe urteen poderioz sor zitekeela XXI. mendeko musikaren munduan hain originala den eta hain finkatua dagoen ganbera-musikako talde bat. Musikegunak egitasmoaren barruan dagoen emanaldia da. Sarrerak, sei euro (aurrez salgai leihatila digitalean eta udal webgunean atarian)
El silencio de la ciudad blanca filma (Espainia, 2019) Zuzendaria: Daniel Calparsoro. Gaur bi saio: 19:30ean eta 22:30ean. Sarrera da bost euro
Arrasate margo taldearen erakusketa Kulturaten egongo da ikusgai, azaroaren 22tik abenduaren 20ra bitartean, honako ordutegian: astelehenetik larunbatera bitartean, 17:30etatik 20:30era.
El dúo de La africana zarzuela bat da ekitaldi batean. Hiru koadrotan banatuta dago; Manuel Fernández Caballeroren musika duena eta Miguel Echegarayren libretoa.