Ostirala, azaroak 15

6. mailakoen ekintzak

Domekan, 6. mailakoek beste apustu baten parte hartzera gonbidatuko dituzte pintxo domekara datozenei. Mausitxa gazta bat eta bi botila ardo izango dira irabazlearentzako eta partaideen artean Urdaibai Bird Center eta Leintz Gatzaga museoetarako bi sarrera zozketatuko ditugu.Animatu parte hartzera.

17:00

Odol ateratzea

Azaroko odol ateratzea, Oñatiko odol emaileen elkarteak deituta

17:30

Mahai-futbol txapelketa, Ozkarbin

Ozkarbi elkarteak mahai-futbol txapelketa antolatu du. Hiru kategoria: 17:30ean, 7-12 urte bitarteko neska-mutikoak; 18:30ean, 12-16 urte bitarteko gazteeak; eta 19:30ean, helduak. Izen-emateak egunean bertan egin beharko dira. Prezioa izango da lau euro bikoteko. 

18:00

Maite Mené eta Koldo Pla

Maite Mené abeslaria eta Koldo Pla poeta elkarrekin arituko dira gaur Lagun Leku elkartean. Musika eta poesia uztartuko dituzten errezitaldia egingo dute

19:00

San Martin eguneko ospakizuna

Triki-kalejira taldearen ekintzak: kalejira, pintxoak salgai, zozketa, diskoen salmenta...

19:00

Pintxo potea mariatxiekin

'Osintxuko Gaztañatan' egitasmoaren barruan antolatutako ekintza izango da eta mariatxiek pintxo potea girotuko dute.

20:00

'Txarriboda' antzezlana

Hika Teatroaren Txarriboda antzezlana izango da Arkupen. Aktoreen inprobisazioetatik abiatuta Agurtzane Intxaurragak idatzitako antzezlana da eta hark zuzendutakoa; aktoreen artean dago Kepa Errasti aretxabaletarra. Sarrera, 4 euro.

20:00

Bergarako orkestra sinfonikoarenSanta Zezilia kontzertua

Mariaren Lagundiako elizan egingo du Bergarako Orkestra sinfonikoak Santa Zezilia kontzertua egubakoitzean, hilak 15, 20:00etan hasita. Enrike Txurrukak lehen aldiz zuzenduko du orkestra sinfonikoa eta 12 musikari gaztek ere debuta egingo dute.

21:00

Katapulta Tour: Raitx + Sara Zozaya

Katapulta Tour Gipuzkoa 2019 zirkuituko kontzertuak Euskal Herriko musikari eta bestelako sortzaile gazteen lanak ezagutzera emateko. Raitx Rakel da eta 2017an bere ibilbidea hasi zuen gitarrarekin eta une anarkiko pertsonaletan inprobisaturiko olerkiz beteriko koaderno batekin. Koban taldearekin ere badihardu, baina proiektu pertsonal hau handitu berri du bateria, baxu, gitarra eta zenbait ahotsekin. Sara Zozaya donostiarrak, Nerabe taldeko abeslaria izateaz gain, bakarkako bideari ere ekin dio gitarra eta teklatuarekin. Euskal Herrian zein kanpoan kontzertu ugari egiten dabil, eta kritika oso onak jaso ditu.

22:30

'Joker' filma

Joker filma (AEB,2019). Zuzendaria: Todd Phillips. Sarrera da bost euro

22:30

'Zaldi urdina' antzezlana

'Zaldi urdina' antzezlana, ARTEDRAMA taldearen eskutik. Sarrerak (10 euro) leihatila digitalean eta www.oñati.eus atarian salgai. Igor Elortzak eta Unai Iturriagak idatzitako lana. Zuzendaria: Ximun Fuchs. Zuzendaritza laguntzailea: Ainara Gurrutxaga. Antzezleak: Ander Lipus, Manex Fuchs, Urko Redondo, Miren Alcala, Oier Zuñiga, Edurne Azkarate eta Olatz Beobide.