Igandea, ekainak 17

07:00

X. Mendi Martxa

Herriko Plaza, Aretxabaleta | Kirola

Murrukixo mendizale elkarteak antolatuta eta Puntaik Punta jaialdiaren barruan X. mendi martxa egingo dute. Herriko Plazatik abiatuko dira 07:00etan eta 25 kilometro inguruko bueltan egin Kurtzebarri mendi inguruan.

08:00

Mendi irteera: Kristinoen Koba

Elgetatik autoz abiatuta., Elgeta | Irteera

Kantsatzeke Mendi Taldeak antolatuta bospasei orduko mendi irteera dago antolatuta ekainaren 17rako. Nahi duenak Kristinoen kobara sartzeko aukera izango du. "Eta Artea "baso magikoan" ere entretenituko gara, eta bata eta bestea, denbora joango zaigu. Bestela, ia zailtasun gabekoa da ibilbidea. Ordu batzuk, bai, baina, nahiko laua, aldapa gogor barik". Hamarretakoa San Benitoren ermita ondoan egingo dute. Mendi taldetik linternak edo frontalak eramateko gomendioa egin dute, zenbat eta indartsuagoak hobeto. Izen-emateak udaletxean, Facebook (Kantsatzeke) edo kantsatzeke@gmail.com helbide elektronikoan ekainaren 14ra arte. Prezioa da 10 euro.

08:00

Ibilaldia Araotzera eta Urrusulara

Postetxea, Oñati | Irteera

Natur eskolarekin batera antolatuta ekintza, Imanol Biain eta Jerardo Elortza izango dira gidariak. Lehengo bideak, lanbide zaharrak, haitzuloak, sarraskien kolonia, energia... eta beste hainbat gai izango dituzte hizpide. 08:30ean abiatuko dira Araotzeko Saloitik eta 14:00ak aldera bukatu Olaten. Joan-etorrirako autobusak antolatu dituzte; 08:00etan aterako dira postetxe paretik. Doan da irteera baina izena eman behar da aurretik autobusak eta mokadutxoak antolatzeko. Udal euskaltegian eman behar da izena

08:30

Gaztelekutik Hontza Extrem parkera

Elgetatik autobusean abiatuta., Elgeta | Umeak

Elgetako gaztelekuak antolatuta irteera Hontza Extrem abentura parkera. Prezioak dira: 25 euro zerbitzuko erabiltzaileendako eta 35 euro gainerakoendako. Bosgarren mailatik gorako neska-mutikoendako. Izen-ematea zabalik udaletxean. Autobusa 08:30ean irtengo da Elgetatik. Itzulera 19:00etarako izango da.

09:00

Hiruko saskibaloi txapelketa

San Martin plaza, Bergara | Kirola

Saskibaloi sailaren eskutik, adinaren araberako hainbat txapelketa egingo dituzte.

10:00

Puntaik Punta: bisita gidatua

Memoria Historikoaren Euskal Interpretazio Zentroa, Elgeta | Irteera

Puntaik Punta jaialdiaren barruan ekainaren 17an Intxortako lubakien gunera bisita gidatua egiteko aukera izango da. Taldea 10:00etan abiatuko da Memoria Historikoaren Euskal Interpretazio Zentrotik eta ezinbestekoa da aurrez izena ematea: 943 79 64 63 – puntaikpunta@debagoiena.eus Puntaik Punta jaialdiaren egitaraua osoa eta informazio gehiago hemen.

11:00

Tailerra haurrentzako: 'etorkizuna ereiten'

Herriko Plaza, Aretxabaleta

Haurrentzat zuzendutako tailerra, Etorkizuna ereiten lelopean. Cristina Enea Fundazioak antolatutako ekitaldia.

12:00

Jubilatuen eguna

Zubikoa, Oñati | Ospakizunak

Hauxe da egitaraua: 12:00etan, meza San Migel parrokian 13:00etan, bazkaria Zubikoa kiroldegian. Omenaldia, bazkaria eta dantzaldia. Prezioa da 12 euro.