Aretxabaletako Guraso Foroak eta Murrukixo mendizale elkarteak, Eskoriatzako Makilla eskuen eta ibili basuen egitasmoarekin batera, urteko lehen mendi irteera egingo dute: Arlaban-Hiruerreketa-Atxorrotx. Autobusez joango dira Leintz Gatzagara, Aretxabaletatik, 9:15ean irtenda (Azbeko geltokia). Familian egiteko mendi irteera da, eta umeek, derrigorrean, heldu baten laguntzarekin joan behar dutela gogorarazi dute.
Hezkuntza Foruak antolatutako urteko lehenengo mendi ibilaldia egingo da domeka honetan, eta aukeratu duten irteera honakoa da: Gatzagatik, Gure Ametsa jatetxetik gora, Hiruerreketara joatea, Deba ibaiaren sorlekua bisitatuz, Atxorrotx zeharkatu eta Eskoriatzarako bidea egitea. Irteerarako, Gorosarri autobus geltokian batuko dira bertara joan nahi dutenak 09:20ean, eta hiru ordu eta erdiko mendi ibilaldia izango dela aurreikusten dute.
Zirika Zirkus taldeak Eolo lana ekarriko die Arkupeko oholtzara (sarrera, 3 euro). Eolo 68 izeneko pertsonaia abentura berrien bila joango da hegan, baina hegazkinaren motorra hondatu eta irudimena jarri beharko du martxan.
Udaletxeko arkupeetan egingo dute.
Domekan, urtarrilak 14, Burdinola Irristaketa Klubaren aurkezpen ofiziala egingo dute Bergarako Labegaraieta kiroldegian. Dragons taldearen aurka sei partidu jokatuko dituzte maila ezberdinetan, arratsaldean zehar. Benjamin, alebin eta infantil mailakoak lagunartekoak izango dira eta gainerakoak, berriz, Euskadiko ligako partiduak.
Domekan 18:30ean, Torresoroan eskainiko da Oraindik hemen gaude filma. Ingelesez eskainiko da euskarazko azpitituluekin.
'Perfectos desconocidos' filma. Gaur bi emanaldi: 19:30ean eta 22:30ean
'Inpernuko' delako kontzertua egingo du taldea. Eskusoinuaren magia gure belarrietan sartu eta gure bizitzari irribarre bat eskaini zioten trikitlari guztiei omenaldia egingo diete. Sarrerak, 15 euro.
Urtero bezala, Plazako Dantza Tradizionala ikastaroak antolatu ditu Arrasaten Portaloi elkarteak. Bi talde izango dira: hastapeneko taldea, eta 'beteranoen' dantza-txokoa. Saioak astelehenetan izango dira, urriaren 2an abiatuta, maiatza bitartean: talde berria –1.maila– 18:30etik 19:30era ariko da eta dantza-txokoa, berriz, 19:30etik 21:00etara. Hainbat dantza eskainiko dira: Lotuan –pasodoblea, baltsa, polka, schottischa, mazurka, boleroa, habanera, tangoa–; soltean– trikitixa, porrusalda, fandangoa, arin-arina–; jauziak; Baztango mutil-dantzak; kontradantzak; ingurutxoak; joko-dantzak, gabotak; braleak Baztango zortzikoa, Bolant dantza, Axuri beltza, Larrain dantza, Txerri dantza... Informazio gehiago eta izen-ematea hilabete honetan, irailean, ondorengo telefonoetara deituta: AEDra –943 77 12 28– edota Gazte Bulegora – 943 25 20 65–. Dantzan ikasi nahi al duzu? Animatu zaitez!
MARTXOAK 8-ko XXI. Kartel Lehiaketa (2018) Arrasateko Udaleko Berdintasun sailak Martxoak 8-ko XXI. Kartel Lehiaketa antolatu du. Lehiaketa honekin, jendarte parekidearen aldeko borrokan erreferenteak izan diren mugimendu feministak eta emakume feministak aldarrikatu nahi ditugu. Helburu horrekin, aurtengo edizioan, “Izan direlako gara. Gora feminismoak!” leloa aukeratu dugu. Lanak aurkezteko epea: otsailak 16, ostirala, Arrasateko BAZen Saria: 450€ Egoki iritziz gero, aurkeztutako kartel guztiekin erakusketa bat egin dezake Udalak Oinarriak eta informazioa: www.arrasate.eus Facebook: Arrasateko Emakume Txokoa emakumetxokoa@arrasate.eus Tel: 943 79 41 39/618 206 233 (Emakume Txokoa) 943 25 20 00 (BAZ)
2018ko Aratusteetarako jai egitarauko azala aukeratzeko lehiaketaren izen-emate epea astelehenean, hilak 15, amaituko da. Lanak udaletxeko hirugarren solairuan dagoen Kultura Zerbitzuan entregatu beharko dira, 13:00ak baino lehen.
Hiriko, kostako eta mendiko paisaiak batu ditu Bergaran jaiotako eskarmentu handiko margolari eta arkitektoak Gasteizko Posta kalean dagoen Vital Fundazioaren Luis de Ajuria aretoan.
Mirentxin Gidariak-ek antolatuta 5 DJrekin osatutako 'Elkartasun DJ Festa' jaialdia izango da zapatuan, Gaztetxean. Ene!, Aitor Mu, Patxi, Yon, Ion Brown eta Balza izango dira musika jartzeko ardura izango duten DJak. Jaialdia 22:00etan hasiko da, eta sarreraren prezioa 5 eurotan jarri dute.