Dantzaldia Oñatiko jaietako Herri Egunean. Sokan, lotuan, soltean, jauziak, kontradantzak, jolasteko dantzak... Herritarrek elkarrekin dantzan ondo pasatzekoa. Musika zuzenean Harkaitz Allur eta Maialen Arzallusekin. Dantza-gidaria Patxi Montero. Antolatzaileak: Oñatiko Udala eta musika eskola.
Ikastaroaren helburua da deseraikitzea moda eredu dominantea, emakumeok zapaltzen gaituena, ikusaraztea ikusezin egindako gorputzak eta baliatzea joskintza jabekuntza feministarako tresna gisa, gure gorputzak boteretu eta horietaz gozatzen ikasteko. Ikusarazi eta aldarrikatuko dugu gorputzen aniztasuna, ikasiko dugu patroiak egiten, gure gorputzei egokitzen zaizkienak. Gure sormena josi eta gorpuztuko dugu, eta moda jasangarria jantzi. Irakaslea: Maddalen Aduriz Rodriguez Noiz: zapatuan, hamabostean behin (6 saio) Egunak: irailaren 30ean; urriaren 14an eta 28an; azaroaren 11n eta 25ean; abenduaren 16an Ordutegia: 9:30-14:00
Ondarearen Europako jardunaldien barruan, Etor Telleriaren hitzaldia eta bisita gidatua, Murugain proiektua ezagutzeko. 11:00etan, Untzilla auzoan.
11:30ean Europako Ondareari buruzko jardunaldien barruan, Bergarako Lorategi Historikoen bisita gidatua (euskaraz). 18:00retan Kalejira Batukada taldearekin. 19:00retan Aritzeta Abesbatza, Bergarako Musika Eskolako Abesbatza, Bergarako Orfeoia, Gabero Orfeoi Gaztea, Sutargi eta San Joxeperen kontzertua San Martin plazan (euriarekin Santa Marinan). Ondoren, Kantu jira San Martin plazatik abiatuta. 21:00etan Kopla Barik, Simon Arrietan.
Irailaren 30erako antolatu duten elkartruke musikala eta Monterron parkean eskainiko dute kontzertua bi taldeek, eguerdiko 12:30etan.
Azken urteotan Eskoriatzan errotu den ekintza da Apotzagako goitibehera jaitsiera, eta, Eskoriatzako Goitibehera Zaleak taldeak antolatuta, lasterketak bost urte beteko ditu aurten. Jaitsiera eguna, berriz, irailaren 30a izango da, 15:00etan hasita. Parte hartzeko izen ematea: www.fotomotor.es Izena emateko azkenengo eguna: irailak 23
Elgetako Gure Esku Dago taldeak autobusa antolatu du kataluniar herriari elkartasuna adierazteko zapatuan Bilbon egitekoa den manifestaziora joateko. Autobusa 16:00etan irtengo da herriko plazatik eta 20:00etan itzuliko da Bilbotik. Interesatuak plazara ager daitezke. Lekua gorde nahi izan ezkero elgetakogureesku@gmail.com idatzi behar da joango direnen izen abizenak adieraziz.
Irailaren 30ean zabalduko ditu ateak Elgetako gazteleku zerbitzuak. Aurrerantzean zapatuetan eta domeketan izango da zabalik 16:00etatik 20:00etara.
Atrezzo jasangarria, mariachien musika, zirku garaikidearen kutsua, mugimenduaren energia eta fisikotasuna... guztiak du lekua Dantzaz-en azken ekoizpen honetan. Obra honek gogora ekartzen duenez, haurren jolas tradizionalak bezala, hauskortasunak (paperak irudikatuta) garaitu egin dezake indarra (harria).
Urrian ospatuko duten Kulturaldiaren barruan antolatu ohi duten argazki lehiaketaren berri eman dute San Joxepe erretiratu elkartekoek. Parte hartu ahal izateko 60 urtetik gorakoak izan beharko dira, gaia librea izango da eta argazkiak aurkeztu ahalko dira urriaren 13ra arte.
Saioak asteazkenero izango dira, lehen taldea 15:30ttatik 18:0tara izango da eta bigarrena 18:00tatik 20:30tara. Izen ematea zizelkatu@gmail.com helbidean egin behar da eta 30€ eta 60€ arteko prezioa izango du.
Urtero bezala, Plazako Dantza Tradizionala ikastaroak antolatu ditu Arrasaten Portaloi elkarteak. Bi talde izango dira: hastapeneko taldea, eta 'beteranoen' dantza-txokoa. Saioak astelehenetan izango dira, urriaren 2an abiatuta, maiatza bitartean: talde berria –1.maila– 18:30etik 19:30era ariko da eta dantza-txokoa, berriz, 19:30etik 21:00etara. Hainbat dantza eskainiko dira: Lotuan –pasodoblea, baltsa, polka, schottischa, mazurka, boleroa, habanera, tangoa–; soltean– trikitixa, porrusalda, fandangoa, arin-arina–; jauziak; Baztango mutil-dantzak; kontradantzak; ingurutxoak; joko-dantzak, gabotak; braleak Baztango zortzikoa, Bolant dantza, Axuri beltza, Larrain dantza, Txerri dantza... Informazio gehiago eta izen-ematea hilabete honetan, irailean, ondorengo telefonoetara deituta: AEDra –943 77 12 28– edota Gazte Bulegora – 943 25 20 65–. Dantzan ikasi nahi al duzu? Animatu zaitez!
Aire Libreko 44. Simon Arrieta pintura lehiaketako lanen erakusketa, Pleno aretoan.
Emakumeak erakusketa honen protagonistak dira, beraien argazkiak eta testigantzak. Gerra eta frankismo garaiko kontakizunak emakumeen aurpegiekin, emakumeen ikuspegitik. 1936tik aurrera frankismoaren garaiko testuinguru historikoan, emakumeek izan zuten zeregin aktiboa jasotzen da. Ikuspuntu eta ideologia ezberdinetatik, amankomunean dutena bizirik irauteko nahia izan da. Bertan azaltzen dira, besteak beste, gudu eremuaren, erbestearen, torturaren, espetxearen, errepresioaren eta bizirik irauteko estrategien in guruko narrazio eta bizipenak eta, baita ere, emakumezkoaren ikuspegitik betiere, antolatutako egitura sozialerako planteamendu eta aktibismoa. Erakusketa honekin ahalik eta gehien zabaldu nahi izan dugu asaldaketa, aldaketa eta injustizia handiko garai hartan emakumeek gizartean izan zu ten garrantzia erabakigarria. Emakume anitzek, joera politiko desberdinek, hainbat eremutan ibili takoek eta Euskal Herriko zenbait tokitan jaio eta bizitakoek osatzen dute erakusketa hau. Ikuspegi ezberdina eskaini nahi da, errealitatea lubakietako borrokatik haratago baitoa. Euskal emakumeen memoriaz, historiaz eta haien sormen eta berritze gaitasunaz dihardu, sekula kontatu ez den eta berreskuratu beharra dagoen historian barrena ibilbidea eginez. Bakerako, berdintasunerako eta giza eskubideetarako hezkuntza demokratikoak memoriaren aldeko lana egitea exijitzen du. Lan honek emakumeen bizipenak aitortu nahi ditu, memoria kolektiboan kokatuz. Herriek erreskatatu behar den memoria dutela esan ohi da, tamalez as kotan gure historiako kontakizunak gizonen ikuspuntua jaso dute soilik. Beraz memoria partziala jaso da, gizartearen erdia kanpo utzi baita. Erakusketa hau lagunduz Gipuzkoako Foru Aldundiak, emakumeen ikus puntua barneratu nahi izan du, memoria osoa izan dadin. Honela, Batzar Nagusiek egindako eskaera betetzen du Emakumea, Gerra, Errepresioa, eta Erresistentzia Emeek emana erakusketa ibiltaria Gipuzkoan zehar hedatzeko.
Atzerritik etorri eta euskara ikasteko interesa duten guztiei eskaintza berezi bat egingo zaie Aisa deritzon ikastaroen bidez; euskara ikasten hasteko 60 orduko ikastaro berezi bat antolatu du Udal Euskaltegiak, HABErekin eta Bergarako Udalarekin elkarlanean. Izena eman behar da urriaren 6a baino lehen. "Aukera egokia euskaraz ikasten hasteko eta euskal gizartean integratzeko. Animo!", diote antolatzaileek.
Argazki lehiaketa ezagunaren 27. edizioa izango da aurten eta Argizaiola deritzon lehiaketarako baliagarria izango da. Lanak aurkezteko azken eguna urriaren 11 izango da eta aurten ere zortzi sari banatuko dira. Argazki onenak urriaren 14an aukeratuko dituzte eta horiekin erakusketa bat jarriko dute Aroztegin, urriaren 20tik 29ra.
Angiozar auzoko San Migel jaiak izango dira asteburuan eta Bergarako Udalak taxi zerbitzua jarriko du gaur, egubakoitza. Bidaia bakoitzak hamar euro balioko ditu eta kostuaren gainontzeko sei euroak Udalak hartuko ditu bere gain. Gaur, 22:30etik aurrera joan ahal izango da taxi geltokitik eta, 08:00ak arte.
Arrasate Margo taldearen erakusketa Aroztegi aretoan, irailaren 29tik urriaren 15era bitartean.