Aritz Ibañez Lusarreta (Iruñea, 1983). LinkedIn sareko profilean, hitzez hitz, "dantzaria eta kazetaria" dela dio, eta hurrenkera hori ez da ausazkoa: "Menostutako jarduera bat goretsi nahi izan dut". 23 urte daramatza 75 urte egin berri dituen Iruñeko Duguna dantza taldeko zuzendari lanetan. Epe horretan, genero markarik gabeko errepertorio berria sortu dute, XXI. mendeko komunitatearen beharrei eta balioei erantzuteko. TTAPek Iruñeko Alde Zaharreko San Frantzisko ikastetxe publikoko patioan egin dio elkarrizketa; udal dantza taldean lehen entseguak egin zituen lekuan, hain justu ere.

Doke antzerki taldeak hogeita bi urteko ibilbidea batzen duen liburua aurkeztu du Jokin Zaitegi gelan. Hitzak Josemari Velez de Mendizabal historiazaleak jarri ditu, baina berak esan bezala, "historia" antzerki taldekoek "idatzi" dute. Datorren maiatzaren 22an, liburua jende aurrean aurkezteaz gain, urte hauetan taldeko kide izan direnei omenaldia egiteko aprobetxatu nahi dutela adierazi du Mariasun Pagoaga taldeko kideak.