35 ikasle inguruk hartu zuten parte apirilaren 30erako Aramaio Tropikaleko Gazte Asanbladak deitu zuen Itsaraz parke eolikoaren aurkako mobilizazioetan. Proiektuaren aurka daudela adierazteko paroia egin zuten eta mobilizazioari hasiera emateko hitzaldia eman zuten asanbladako bi kidek eta ondoren, elkarretaratzea egin zuten institutuko patioan.
Adierazi dutenez, ekintzen helburua izan zen adieraztea eolikoen problematika ez dela soilik Aramaioren kontua, asanbladako kideen esanetan, ondorioak inguruko herriek ere pairatuko baitituzte: "Beharrezkoa ikusten genuen, bi urtez isilpean mantendu duten proiektu suntsitzaile hau argitara ateratzea, eta ingurukoei zer gertatzen ari den erakustea. Horrez gain azpimarratzekoa da parke honek, edukiko dituen eraginak sekulakoak izango direla, bai animaliengan, naturan eta gizakiarengan".
