"Loramendiren eta bereziki euskararen bueltan jende asko batzen zuen eguna izaten zen sasoi baten eta hori berreskuratu gura dugu", adierazi du zuzendaritzako kideek. Horretarako egun guztiko egitaraua prestatzen dihardute.
Eguerdi partean emango diote hasiera Lekaixoka bertso eskolakoen kalejirarekin, eta ondoren, bazkaltzeko elkartuko dira Durana kalean. Bazkalostea bingo musikatuarekin girotuko dute, eta iluntzean, Zuttik elektrotxarangak dantzan jarriko ditu herritarrak. Gaua hasiko du Albina Stardust eta Divina Comediaren ikuskizunak eta bukatu Gautegun taldearen erromeriak.
Bazkarirako txartelak astelehena arte izango dituzte salgai Loramendiren bulegoan: helduena, 22 eurotan –beganoa ere badago– eta haurrena, 12 eurotan –zeliakoentzat ere badago–.
Hona hemen menuak:
- Helduena: entsalada mistoa, iberikoak, baserriko oilaskoa parrilan eta Ezeiza pasteltxoak.
- Beganoa: entsalada mistoa, kroketa beganoak, barazki menestra, lasaña beganoa eta piña.
- Haurrak: patea, urdaiazpikoa, kroketak, hanburgesa eta saltxitxak parrilan patatekin eta izozkia.
