Egun osoko egitaraua antolatu dute Eguzkierripa Rock jaialdiaren 15. urteurrenerako. 12:30ean herri poteoa egingo dute eta ondoren, 14:30ean izango da herri bazkaria kanpoko frontoian. Leku berean, baina 17:00etan, pelota partidua jokatuko dute Karni eta Asierrek Etxezarreta anaien aurka.
21:30ean hasiko dituzte kontzertuak Andra Mari ermitan, eta aurten sei taldek joko dute. The Gominols, The mindfucks, Xementerio, Rukula, Gorroto eta Coyunda & Ñacundá taldea arituko dira.
Herri bazkaria bueltan
Azken bizpahiru urtetan, herri bazkaria egin ez badute ere, antolatzaileek azaldu dute, 15. urteurrena dela eta berreskuratu dutela bazkaria. Dagoeneko salgai daude bazkarirako txartelak 18 eurotan Aramaioko Añati tabernan. Era berean adierazi dute menu beganoa edo begetarianoa nahi duenak eguzkierriparock@gmail.com helbide elektronikora idatzi behar duela.
