Logoa

GAURKOAK

Arroza, aniztasunaren sinbolo

  Gizartea  Debagoiena GAURKOAK

Debagoiena mailako Munduko Arrozak ekimena egingo dute Arrasaten uztailaren 8an. Arroza prestatuz aniztasuna bistaratzea, elkar ezagutzea eta integrazioa sustatzea dira helburuak. Ekainaren 23ra arte egongo da izena emateko aukera. 5-10 kideko taldeek hartu ahalko dute parte, nahiz eta banaka ere eman daiteke izena, eta gero talderen baten sartu.

Auto istripu ikusgarria Arrasaten

  Gizartea  Arrasate GAURKOAK

Istripu ikusgarria gertatu da Arrasateko Otalora kalean, 18:30ak aldera. Auto batek kontrola galdu du eta Taupa taberna aurrealdeko espaloira igo da. Ez du inor harrapatu. Hormigoizko banku publiko bat aurretik eroan ostean, autoak etxearen zutabe bat jo du eta bertan geratu da. Autoan zihoazen bi lagunek -80 bat urteko senar-emazte mondragoetarra- ez dute aparteko zauririk izan, baina anbulantzian artatu eta ospitalera eroan dituzte.

"Erronkaz beteta" du Goienak ikasturte berria

  Gizartea  Debagoiena GAURKOAK

"Parra amaitu dugu 2016a, eta galerarik ez izatea pozgarria da. Goiena osasuntsu dago, eta, gainera, erronkaz beteta”. Deskribapen horrekin laburbildu du Goiena Komunikazio Taldeko presidente Aitor Izagirrek 2016-2017 ikasturteko Goienaren jarduna eta ikasturte berrirako aurreikuspena, kooperatibaren urteko batzar orokorraren bueltan.

Aretxabaletako EH Bilduk proposatu du Udalak bere gain hartzea kale garbiketa zerbitzua

  Gizartea  Aretxabaleta GAURKOAK

Azken hamar urteotan kale garbiketa zerbitzuaren ardura izan duen  Serbitzu S. L. enpresari azaroan amaituko zaio kontratua, eta hori dela egin dio proposamena EH Bilduk Udal Gobernuari. Azaldu dutenez zerbitzu bakoitza banan banan aztertu behar da eta eurek halaxe egin dute kale garbiketa zerbitzuarekin. Besteak beste, arrazoi ekonomikoak aipatu dituzte. Unai Elkoro alkateak adierazi du proposamenak zalantzak eragiten dizkiela, eta zerbitzua berriz ere azpikontratatzea erabaki dutela.

Industriagunea posible den jakiteko azterketa geoteknikoa egingo dute

  Ekonomia  Antzuola GAURKOAK

Antzuolako autobide zatia egiten diharduen Mariezcurrena enpresak industrialdea egitea posible den aztertuko du. Horretarako azterketa geotekniko sakona egingo du eta kostua ere bere gain hartuko duela azaldu zuen alkateak atzo egindako osoko bilkuran.

Denboraldiari bukaera borobila emateko, Mahonero asteburua prest

  Kirola  Bergara GAURKOAK

Bigarren urtez antolatuko du Bergara Kirol Elkarteak Mahonero Eguna, eta aurten asteburu guztian izango dira ekintzak. Tartean, zapatuan, herri bazkaria egingo dute, eta Mahonero sariak ere banatuko dituzte. Domekan, berriz, besteak beste, Emakumezkoen Euskal Herriko Kopako finalerdia jokatuko da.

Herriko gazteek ingurumenarekin lotutako konponbideak eskatu dituzte

  Gizartea  Arrasate GAURKOAK

Agenda 21 ekimenaren barruan egindako ekarpenak ekarri dizkiete udalbatzako kideei, eta konpromisoak hartzeaz gain, konponbideak eskatu dituzte. Ondoren, Makatzena goi aldean autobus parada bat txertatzea onartu dute aho batez, eta udal gobernuak aurka bozkatu du LGTBI kolektiboaren eguna babesteko mozioan.

Dena gertu Usakon, zapatuan bainu denboraldiari ekiteko

  Gizartea  Oñati GAURKOAK

Zapatuan, ekainaren 10ean hasiko da bainu denboraldia Usakon eta irailaren 10era arte luzatuko da. Hiru hilabete horietan zehar, sorosle zerbitzua izango da bertan, 15:00etatik 20:00etara. Uztailean eta bereziki jende asko ibiliko dela aurreikusten den hainbat astetan zerbitzua indartu egingo da, hainbat orduz bigarren sorosle bat ipiniz. Bestetik autobus zerbitzua egongo da aurten Usakora, datorren astelehenean, ekainak 12 hasi eta abuztuaren 4ra bitartean.

Moda desfilearen balorazio positiboa egin dute antolatzaileek

  Gizartea  Oñati GAURKOAK

Ikusmina piztu du herriko hainbat komertziok beste behin antolatutako moda desfileak. Herriko dendetako azken tendentziak ezagutzeko aukera izan da arropetan eta bestelako osagarrietan.

Euriari aurre eginez jaiak gozatu dituzte Bergaran

  Kultura  Bergara GAURKOAK

Eguraldia ez dute lagun izan Bergarako jaietako lehenengo hiru egunetan, baina festa giroak ez du behera egin eta bergararrek gozatzeko aukera ugari izan dituzte. Gaur kuadrillen eguna da, eta koadrilen arteko jokoak eta herri bazkaria dira plater nagusiak.

"Oso erantzun ona" izaten ari da Harremanen Elkartasun Eguna

  Gizartea  Arrasate GAURKOAK

Arrasateko Harreman Gobernuz Kanpoko Erakundeak antolatutako XIX. Elkartasun Eguna egiten ari dira gaur eta Itziar Uriarte Harremaneko kidearen esanetan, jende ugari gerturatu da Seber Altube plazara. Gaur batutako dirua Indiako Ankur proiektura bideratuko da, Bombay hiriko umezurztegi batera, hain zuzen.

Aurrekontu irekiendako proposamen bila Mondragon Unibertsitatera

  Ekonomia  Arrasate  Debagoiena GAURKOAK

2018ko aurrekontuan txertatzeko herritarren ekarpenak jasotzen dabiltza Foru Aldundiko ordezkariak azken asteotan. Imanol Lasa diputatua eta Joseba Muxika zuzendaria Mondragon Unibertsitatera gerturatu dira gaur ekarpen bila. Horrez gain, arrasatearren ekarpenak jasotzeko asmoz, Seber Altube plazan aurrekontu irekien karpa jarri dute.

Lexargaratera erronka egingo da edizio honetan

  Kirola  Eskoriatza GAURKOAK

Gabez Takarraran, Eskoriatzako gaueko mendi lasterketa, ekainaren 10ean izango da, eta maiatzaren 4tik aukera dago izena emateko, kirolprobak webgunean. Hala ere, ekainaren 9ra arte egongo da aukera izena emateko, eta egunean bertan ere eman ahal izango da, bost euro gehiago ordainduz.

Hedabide tradizionalen krisiaren aurrean, Goienak sendotu egin du bere nagusitasuna

  Gizartea  Debagoiena GAURKOAK

Goiena Komunikazio Taldeak sendotu egin du Debagoienean duen nagusitasuna, eta papera eta telebista kontsumitzeko ohiturak jaitsi direnean, Goiena aldizkaria-k eta Goiena telebistak iaz baino jarraitzaile gehiago dituzte.

Ikur frankistarik gabeko herria izateko pausuak ematen

  Gizartea  Arrasate GAURKOAK

Eusko Jaurlaritzak 2011an onartu ostean, EAEko ikur frankisten inbentarioa egin zen, tartean etxebizitza sailak atarietan jarritako plakak daudelarik. Arrasaten lau kontatu dituzte, hiru jada kendu dira eta laugarreneko arduraduna kentzearen aldekoa da.