Logoa

GAURKOAK

Etxera itzultzeko itxaron beharra

  Gizartea  Bergara GAURKOAK

Bolua auzoan mendia behera etorri eta bost hilabetera emergentzia egoera gainditu bada ere, etxebizitza kaltetuena hankaz gora dago oraindik eta atari horretan obra egin beharko dute; kaltetuak pozik daude Bergarako Udalak zein aseguru-etxeek emandako erantzunarekin.

1.000 lagun inguruk eman dute izena 'Zeuk iñ, zeuk jan' bazkarirako

  Gizartea  Arrasate GAURKOAK

Ekainaren 15ean zabaldu zen izena emateko prozesua udal webgunean, eta 90 minutuan agortu ziren hasiera batean jarritako ia 600 plazak. Hori ikusirik BAZen izena emateko aukera jarri zen, eta astelehenera arte egon da apuntatzeko tartea.

Udaletxeko lorategiko zedroaren adina eta garaiera asmatzeko porra

  Gizartea  Aretxabaleta GAURKOAK

Aretxabaletako Kultura Sailak jarri du abian eta uztailaren 15a arte bota ahal izango dira proposamenak Arkupen eta hainbat tabernatan. Zedroaren adinera eta garaierara gehien hurbiltzen denak, pasatu gabe, saria izango du.

Sei debagoiendar, EH Bilduko zuzendaritza berrian

  Politika  Debagoiena GAURKOAK

Militanteen % 84ko babesarekin onartu dute EH Bilduren zuzendaritza berria. Bertan egongo dira, Maider Otamendi, Larraitz Ugarte, Ander Rodriguez eta Nerea Zubia idazkaritza ezberdinetan, eta Pello Urizar eta Rebeka Ubera, EAko eta Aralarreko ordezkari moduan.

Omendu dituzte Gernikan hobi komun batean ehortzita zeuden 82 gudariak; hamar debagoiendar zeuden tartean

  Gizartea  Debagoiena GAURKOAK

80 urtez ahaztuta egon diren 82 gudari omendu zituzten atzo Gernikan. Gehienak gipuzkoarrak ziren, eta tartean zeuden hamar debagoiendar. Ordezkari politiko asko batu zen ekitaldian, eta baita gudarien senitarteko asko ere: "Euren memoria ezabatzen saiatu zen frankismoa, baina ez dute lortu", adierazi zuen Olanok.

Kulturaz kalean gozatzeko sasoia

  Kultura  Oñati GAURKOAK

Uda ate joka dago eta udarekin batera, baita kultura kalera ateratzen duten ekimenak ere. Horietako bat da gaur bertan Oñatin aurkeztu duten Kalean udako kultur egitaraua. Datorren eguaztenean, ekainaren 21ean, izango da lehen ikuskizuna, eta irailaren 3ra arte, askotariko zazpi kultur ekitaldi izango dira denera: estilo askotako musika kontzertuak, poesia emanaldia, akrobazia ikuskizunak... 

Orain artekoarekin pozik aurrera begira lanean

  Politika  Aretxabaleta GAURKOAK

Agintaldi erdiaren balorazioa egin du Udal gobernuak. Bi urteak oso positiboak izan direla nabarmendu dute "bai udalarentzat, bai pertsonalki", eta azpimarratu dituzte herritarrengana hurbiltzeko egindako ahalegina eta gardentasunari emandako bultzada.

Udal gobernuaren bi urteko "ekimen eza" salatu du EH Bilduk hainbat arlotan

  Politika  Arrasate GAURKOAK

Gaur betetzen dira bi urte Maria Ubarretxenak alkatetza hartu zuenetik, eta tarte horretan gazteria, turismoa, hezkuntza, berdintasuna, kultura edo ingurumena bezalako alorretan ezer gutxi egin dutela azaldu dute. Batzordetan, osoko bilkuratan eta aurrekontuetan arrasatearren alde lan egiten jarraituko dutela ere berrestu dute.

Bergarako hiruko saskibaloi txapelketak hamar urte bete ditu aurten

  Kirola  Bergara GAURKOAK

Bergarako Kirol Elkarteak hiruko saskibaloi txapelketaren 10. urteurrena ospatzeko antolatu diren ekintzen nondik norakoak ezagutzera eman ditu. Egingo dituzten ekintzen artean, lehena kartel lehiaketa izan da eta Joseba Carnicerorena aukeratu dute. Honetaz gain, ekainaren 10ean Puleva koparen lehen edizioa jokatu zen eta hilaren 24 eta 25ean berriz, hiruko saskibaloi txapelketa jokatuko da.

Arroza, aniztasunaren sinbolo

  Gizartea  Debagoiena GAURKOAK

Debagoiena mailako Munduko Arrozak ekimena egingo dute Arrasaten uztailaren 8an. Arroza prestatuz aniztasuna bistaratzea, elkar ezagutzea eta integrazioa sustatzea dira helburuak. Ekainaren 23ra arte egongo da izena emateko aukera. 5-10 kideko taldeek hartu ahalko dute parte, nahiz eta banaka ere eman daiteke izena, eta gero talderen baten sartu.

Auto istripu ikusgarria Arrasaten

  Gizartea  Arrasate GAURKOAK

Istripu ikusgarria gertatu da Arrasateko Otalora kalean, 18:30ak aldera. Auto batek kontrola galdu du eta Taupa taberna aurrealdeko espaloira igo da. Ez du inor harrapatu. Hormigoizko banku publiko bat aurretik eroan ostean, autoak etxearen zutabe bat jo du eta bertan geratu da. Autoan zihoazen bi lagunek -80 bat urteko senar-emazte mondragoetarra- ez dute aparteko zauririk izan, baina anbulantzian artatu eta ospitalera eroan dituzte.

"Erronkaz beteta" du Goienak ikasturte berria

  Gizartea  Debagoiena GAURKOAK

"Parra amaitu dugu 2016a, eta galerarik ez izatea pozgarria da. Goiena osasuntsu dago, eta, gainera, erronkaz beteta”. Deskribapen horrekin laburbildu du Goiena Komunikazio Taldeko presidente Aitor Izagirrek 2016-2017 ikasturteko Goienaren jarduna eta ikasturte berrirako aurreikuspena, kooperatibaren urteko batzar orokorraren bueltan.

Aretxabaletako EH Bilduk proposatu du Udalak bere gain hartzea kale garbiketa zerbitzua

  Gizartea  Aretxabaleta GAURKOAK

Azken hamar urteotan kale garbiketa zerbitzuaren ardura izan duen  Serbitzu S. L. enpresari azaroan amaituko zaio kontratua, eta hori dela egin dio proposamena EH Bilduk Udal Gobernuari. Azaldu dutenez zerbitzu bakoitza banan banan aztertu behar da eta eurek halaxe egin dute kale garbiketa zerbitzuarekin. Besteak beste, arrazoi ekonomikoak aipatu dituzte. Unai Elkoro alkateak adierazi du proposamenak zalantzak eragiten dizkiela, eta zerbitzua berriz ere azpikontratatzea erabaki dutela.

Industriagunea posible den jakiteko azterketa geoteknikoa egingo dute

  Ekonomia  Antzuola GAURKOAK

Antzuolako autobide zatia egiten diharduen Mariezcurrena enpresak industrialdea egitea posible den aztertuko du. Horretarako azterketa geotekniko sakona egingo du eta kostua ere bere gain hartuko duela azaldu zuen alkateak atzo egindako osoko bilkuran.

Denboraldiari bukaera borobila emateko, Mahonero asteburua prest

  Kirola  Bergara GAURKOAK

Bigarren urtez antolatuko du Bergara Kirol Elkarteak Mahonero Eguna, eta aurten asteburu guztian izango dira ekintzak. Tartean, zapatuan, herri bazkaria egingo dute, eta Mahonero sariak ere banatuko dituzte. Domekan, berriz, besteak beste, Emakumezkoen Euskal Herriko Kopako finalerdia jokatuko da.