KZGunea eguaztenetik aurrera Kultur Aten egongo da

  Teknologia  Arrasate

Hamar urte eta gero kokalekuz aldatuko dute KZGunea. Frontoian barik, Kultur Aten egongo da bihartik Internetarko sarbide publikoa eta makina bat eskola eta ikastaro eskaintzen dituen gela; zehazki, kultura etxe bertako ordenagailu gelan. Gela horretan dauden 16 ordenagailuei beste 6 gehituko dizkiete. Mudantza lanak gaur eta bihar egingo dituzte eta eguaztenerako guztia gertu izatea da asmoa.

Goiena mugikorretan

  Teknologia  Debagoiena Astea iruditan None

Goiena.net ataria poltsikoko telefonoetan kontsultatu ahal izateko aplikazioa martxan da.

Debagoieneko informazio osoa poltsikoan gaurtik aurrera

  Teknologia  Debagoiena

Debagoieneko informazio osoa poltsikoan gaurtik aurrera

  • Smartphonerako aplikazioa egin du Goienak 
  • Goiena.net ataria telefonora egokitu da
  • Doakoa da eta Apple eta Android-erako balio du


Debagoieneko informazioa jaso, urteak betetzen dituen edo ezkondu egingo den norbait zoriondu, gauden herrian egun horretan ze kultura ekintza dagoen jakin… hori guztia, aurrerantzean, poltsikoko telefono inteligentearekin egiteko aukera izango dute debagoiendarrek. Goienaren Interneteko atariak, Goiena.net-ek, ematen du eskaintza hori, eta, aurrerantzean, Goiena.net poltsikoko telefonora egokituta ere badago, ez bakarrik ordenagailura. Goiena Komunikazio Taldeak eta Batura Mobile Solutions-ek egin dute telefono inteligenteendako aplikazioa, eta doan eskuratu daiteke, bai Apple markako telefonoetarako, iOS sistema eragilea dutenendako, bai Google etxearen Android sistema eragilea dutenendako ere.

Teknologia txertatuekin garatutako azken proiektuen 'showroom'-a Garaian

  Teknologia  Arrasate  Debagoiena

Teknologia txertatuekin garatutako azken proiektuen 'showroom'-a Garaian

Arropa jantzi barik nola geratuko litzaigukeen ikusteko aukera ematen digun jantzi-gela birtuala edo jatetxe batera otordua egitera joandakoan zain gauden bitartean egunkariak irakurtzeko aukera ematen digun mahai digitala. Horiek dira Arrasaten, Garaiako Teknologia Txertatuen Berrikuntza Zentroan azken hiru urteotan garatutako proiektu berritzaileetako bi. Proiektu horiek eta, orokorrean, egindako azken aurrerapausoak batzen dituen 'Showroom' edo erakusketa gela ipini dute bertan, eta goizean izan da inaugurazio ekitaldia. 

Mondragon Unibertsitateko ate irekiak, lehenengo aldiz, streaming bidez

  Teknologia  Debagoiena

Ekainaren 17an amaituko da Mondragon Unibertsitatean aurrematrikula egiteko epea, eta datorren astean egingo dute unibertsitatearen eskaintza ezagutzeko azken ate irekien jardunaldia. Jardunaldi berezia izango da baina: lehen aldiz streaming bidez egingo dute, eta MUtelebistatik jarraitu ahalko da. Interesa dutenek gainera, txat bidez zalantzak argitzeko aukera izango dute. Hemen jarraitu ahalko da jardunaldia.                                                    

Streaming bidezko ate irekiak MUn

  Teknologia  Arrasate  Debagoiena  Eskoriatza  Oñati

Mondragon Unibertsitateak ate irekien saio berritzailea antolatu du hilaren 29rako: Oñatiko Enpresagintzan egingo da eta 'MUtelebistak' zuzenean botako du Internet bidez. Beraz, MUn ikasketak egin gura dituen edonork etxetik edo beste edozein tokitatik jarraitu ahal izango ditu ordubetez Oñatiko fakultatean emango dituzten azalpenak.

Miguel Altuna Institutua, bere eskaintza smartphonentzako egokitzen duen Estatuko lehenengo Lanbide Heziketa zentroa

  Teknologia  Bergara

Gero eta ohikoagoak dira gure artean Smartphone telefono mugikorrak, eta Batura Mobile Solutions enpresaren laguntzarekin, Miguel Altuna Institutuak bere eskaintza mugikor horiendako egokitzen duen aplikazio berria garatu du, MAIko aplikazio berria hain zuzen ere.

'App' eskaintza uholdera batu da Facebook ere

  Teknologia

'App' eskaintza uholdera batu da Facebook ere

Aplikazio denda-plataforma berria martxan jarri du Facebookek, web ala aplikazio bidezkoa.

Goiena.net-ek beste errekor bat hautsi du

  Teknologia  Debagoiena

Goiena.net-ek beste errekor bat hautsi du

Inoizko erabiltzaile kopururik handiena izan zuen joan zen egubakoitzean Goiena.net-ek. Arrasateko Gesalibar auzoko Aldape baserriaren gertaerak eta Goiena.net-en egin zen jarraipen sakon eta zehatzak eragarri zituen erabiltzailek bertara. 8.884 pertsona ezberdinek bisitatu zuen Goiena.net egun horretan eta 33.857 orrialde ikuskatu ziren. Debagoieneko albisteen atariak iazko maiatzaren 22ko Udal hauteskundeen biharamunean zeukan aurreko errekorra (7.425 bisitari bakar). Bestalde, Goiena.net-en erabiltzaile kopurua eta orri bisitatuena gora eta gora doa etenik barik. Aurtengo lau hilekoan, 2011koan baino %29,32 bisitari gehiago izan ditu. Google Analytics-etik ateratako datuak dira. 

'Encounter'-a asteburuan Tolosan bideo-joko, software eta mota guztietako lehiaketekin

  Teknologia  Debagoiena

'Encounter'-a asteburuan Tolosan bideo-joko, software eta mota guztietako lehiaketekin

Bihar hasi eta astelehenan amaituko da Gipuzkoa Encounter topaketa, seigarrena aurten, Tolosan. Party formatuan egiten den topaketan ordenagailuen zale porrokatuak bat egiten dute eta informatika eta bideojokoekin bai baina arte digitalarekin ala komunikazioarekin lotutako makina bat ekintzatan hartzen dute parte. Zabala da oso egitaraua. 1.200 metro koadroko espazioa izango dute horretatako Tolosako kiroldegian.

Facebookek adierazi du maiatzaren 17an burtsara irteteko asmoa duela

  Teknologia  Debagoiena

Facebookek burtsara irtengo du: dagoeneko adierazi dute euren asmoa maiatzaren 17an burtsara irtetea dela. Konpainiak 100.000 milioi dolarreko burtsa-balorazioa izatea espero du. Informazio hori Techcrunch-ek eman du. Hala ere, adierazi dute data hori betetzea ez dagoela Facebooken esku. Konpainiak aurkeztutako dokumentuak ontzat eman behar ditu SEC komisioak (Securities and Exchange Commission).

Skype sofware gabe erabiltzeko ahaleginetan dabil Microsoft

  Teknologia  Debagoiena

Skype sofware gabe erabiltzeko ahaleginetan dabil Microsoft

Microsoftek lan eskaintza bat argitaratu du: programatzaileak behar ditu, besteak beste Skype web-ean ezartzeko. Adituek diote eskaintza horrek Microsoft HTML5ean eta Javan oinarritutako web bertsio bat egiteko ahaleginetan dabilela erakusten duela. Hala, proiektu honen bitartez ez litzateke beharrezkoa izango Skype ordenagailuan ezarrita izatea deiak egin ahal izateko.

iPadarendako teklatua duen zorroa aurkeztu dute

  Teknologia  Debagoiena

iPadarendako  teklatua duen zorroa aurkeztu dute

Logitech-ek aurkeztu du iPadarendako zorro berria. Bluethoot bidezko konexioa duen teklatua dauka zorroak. Gainera, autonomia osoa dauka: sei hilabete kargatu barik egon daiteke (egunean bi ordu baino gutxiago erabili ezkero). Zorroa fina da eta aluminiozkoa denez pantaila babesten du.

Irailean aurkeztuko omen dute Googlen telebista sistema Europarako

  Teknologia

Litekeena da 200 eta 300 euro arteko modeloak izatea eta Blu-ray unitatea ere izatea barruan.

Estatu Batuetako mugikorren erdiek Android sistema darabilte

  Teknologia

Googlek dagoeneko merkatu kuotaren %50 daukala atera du argitara azken ikerketa batek. Samsungekin batera badirudi orain arte Applena zen pastela jaten hasi direla bi konpainiak, eta Google nagusitzeko bidean dela. Applek, zehazki, merkatuaren kuotaren %30,2 dauka. Microsoft laugarrena da zerrenda nagusian.