Nahi izanez gero, futbol zelaietan erretzea debekatu ahalko da "tabakoaren euskal lege" berriarekin

  Osasuna

Nahi izanez gero, futbol zelaietan erretzea debekatu ahalko da "tabakoaren euskal lege" berriarekin

Azkenik, aire libreko kirol eremuetan – futbol zelaiak, kasu – erretzea lagatzea instalazioen jabeen esku geratuko eta kasu bakarrean egongo da guztiz galarazita erretzea: kirol jarduera hori adin txikikoentzat bada. Ikuskizun publikoetan ere eragingo  du debeku horrek. Nahitaez, kirol eremuetan erretzeko leku berezi bat egon beharko da, eta hor dago gakoa, jabeek erabaki baitezakete eremu hori leku zehatz bat izatea ala kirol-eremu osoa.

Ana Periañez da Oñatiko pediatra berria

  Osasuna  Oñati

Ana Periañez da Oñatiko pediatra berria

Abenduan hasi zen lanean, eta Elena Garrido medikuarekin eta Txaro Txopitea erizainarekin osatzen du Osasun Zentroko pediatra zerbitzuko taldea. Herrian zegoen ume kopurua ikusita, bigarren pediatra baten beharra zegoela ikusi zuten Osakidetzako ordezkariek. Hori horrela, umeak bi pediatren artean banatu dituzte: bakoitzak 741 ume izango ditu ardurapean.

Buruko gaitz kronikoa dutenendako, Eguneko Zentroaren proiektua martxan da

  Osasuna  Arrasate

Arrasaten egingo duten Eguneko Zentroa buruko gaitz kronikoa duten 18 eta 60 urte bitarteko pertsonei zuzenduta egongo da. Bertan zerbitzua eskainiko diete psikiatrikoan sartuta egoteko beharrik ez dutenei, baina osasun mentaleko zentroetan eskaintzen dena baino arreta handiagoa eta zehatzagoa behar duten 25 pertsonei.

Pediatria zerbitzuarekin lotuta sinadurak batzeko mahaia ipiniko dute

  Osasuna  Elgeta

Udalak 73 sinadura batu ditu honezkero. Beste 15 egun zabaldu dute sinadurak batzeko epea eta barikuan mahaia ipiniko dute Plaza Barrenean.

Erradiografiak eta analitikak Interneten, 2011n

  Osasuna  Debagoiena

Osakidetza hasi da erradiografiak eta analitikak digitalizatzen eta horri esker 2011ko amaieratik aurrera edonork ikusi ahal izango ditu bere erradiografiak eta analitikak sarean. Horretarako psahitz bat erabili beharko du.

Ume-loditasunean ere, hobe da prebenitzea sendatzea baino

  Osasuna  Debagoiena

Ume-loditasunean ere, hobe da prebenitzea sendatzea baino

Umeen loditasuna arazo bihurtu da Debagoienean ere. Zorionez, ez da arazo orokorra, baina bai arreta merezi duena. Hain zuzen, Debagoieneko Ospitalearen datuen arabera, Espainian egindako ikerketek diote haur loditasunak %13,9ri eragiten diela, eta gehiegizko pisuak eta loditasunak, denetara, %26,3ri.

Angel Garai: "Datorren urtean jarriko da martxan errezeta elektronikoa"

  Osasuna  Debagoiena

Horixe esan du Angel Garaik, Gipuzkoako farmazialarien elkargoko kideak, Arrasate Irratian. "Sistema segurua, ona, bilatu behar dugu eta horretan gabiltza. Txartela ere zehaztu behar dugu", azpimarratu du Garaik. Hementxe duzue hari egindako elkarrizketa entzungai.

Bigarren deialdia Oñatin kolon minbizia detektatzeko proba egiteko

  Osasuna  Oñati

Lehen deialdian parte hartu ez zuten herritarrak gonbidatu gura dituzte Osakidetzatik: 50 eta 69 urte artekoek egin dezakete proba. Lehen fasean gutuna jaso zuten 2.693 oñatiarrettik 1.455k egin zuten proba, %61,8k. Horietatik 100 positiboak izan dira. Hori horrela, 84 kolonoskopia egin dituzte. Horietatik, 18 probatan minbiziaren lehen sintomak topatu dituzte, eta bitan minbizia aurreratua.

Gutxieneko taldea sortu arte, luzatu egingo dute zoru pelbikoa indartzeko ikastaroaren izenematea

  Osasuna  Aramaio

Itur-Zuri emakume elkarteak zoru pelbikoa indartzeko ikastaroa antolatu dute otsail amaierarako. Ikastaroaren hasiera egun zehatza parte hartzaileek erabakiko dute. Bi aste iraungo du, eta ordu eta erdiko zortzi klase teoriko-praktiko izango dira. Norendako den ikastaroa? Bada, menopausia garaian dabiltzatenendako, histerektomia dutenendako, gernu isuriak dituztenendako, erdituberriendako eta, oro har, gorputzaren funtzionamendua ezagutu gura dutenendako. Antolatzaileek jakinarazi dute oraindik ez dela gutxieneko taldea sortu eta horregatik izenemate epea luzatu egingo dutela.

Musika entzutea, osasunarendako ona

  Osasuna

Gustuko musika entzuten dugunean organismoak dopamina izeneko sustantzia bat sortu eta bidaltzen du burmuinera eta sustantzia horrek ongizate sentsazioa eragiten du. Horixe da Montrealgo Unibertsitateak (Kanada) egindako ikerketa batek ondorioztatu duena. Orain arte asko izan dira musika ongizatearekin eta aldartearekin lotu izan duten ikerketak, baina honako honek lehenengo aldiz demostratu du gustuko musika entzuten ari garenean %9 dopamina gehiago sortzen duela gorputzak.

Tabakoak osasunean eragiten dituen kalteen gainean, Iñaki Peña medikuarekin

  Osasuna  Debagoiena HEMEN DEBAGOIENA None

Debagoieneko Ospitaleko mediku Iñaki Peña Goiena Telebistako 'Goiena Magazinea' saioan izan zen eguen iluntzean tabakoak osasunean sortzen dituen kalteen inguruan hizketan. Peñak azaldu zuen tabakoaren ondorio larrienak minbizia, gaixotasun kardiobaskularrak eta arnas gaixotasun kronikoak direla. Dena dela gaineratu zuen tabakoak ia gorputz osoan eragiten dituela kalteak: digestio aparatuan, ikusmenean, azalean ...

"Gauza kulturala izan da tabernetan erretzea eta ez gara kontziente izan horrek dakartzan kalteez"

  Osasuna

Debagoieneko Ospitaleko mediku Iñaki Peña Goiena Telebistako 'Goiena Magazinea' saioan izan zen eguen iluntzean tabakoak osasunean sortzen dituen kalteen inguruan hizketan. Peñak azaldu zuen tabakoaren ondorio larrienak minbizia, gaixotasun kardiobaskularrak eta arnas gaixotasun kronikoak direla. Dena dela gaineratu zuen tabakoak ia gorputz osoan eragiten dituela kalteak: digestio aparatuan, ikusmenean, azalean ...

Interneten saltzen diren medikamentuen erdia gezurrezkoak dira

  Osasuna

Malagako medikuen elkarteak egindako azterketa batek ondorioztatu du sarean saltzen diren sendagaien erdia gezurrezkoak direla. Kasu gehienetan medikamentuaren osagai nagusia falta da edota sustantzia toxikoak izaten dituzte, esaterako, ladrilu-hautsa edo antikonjelantea.

Zergatik da kaltegarria tabakoa?

  Osasuna

Tabakoaren aurkako legea indarrean ipini zenetik asko hitz egin izan da tabakoak osasunean eragiten dituen kalteen inguruan. Horixe izango dute hizpide eguenean Goiena telebistako 'Goiena Magazinea' saioko osasun tartean. Zenbateraino da kaltegarria tabakoa? Ze osagai ditu zigarro batek? Ze eragiten dute osagai horiek gure osasunean? Osasun publikoarendako zenbaterainoko gastua suposatzen du tabakoak? Galdera horiek eta beste askoz gehiago erantzungo ditu Debagoieneko Ospitaleko mediku Iñaki Peñak.

Tabakoaren aurkako legearen gaineko batzarra, gure ostalariekin

  Osasuna  Debagoiena

Tabakoaren aurkako legearen gaineko batzarra, gure ostalariekin

Gipuzkoako ostalariek badakite tabakoaren kontrako lege berria hobea izango dela osasunarendako, baina eurek bezeroen alde egin behar dute: "Erretzaileak eta ez-erretzaileak diren bezeroak ditugu eta terrazarik ez duten ostalariak batez ere, erretzaileak diren bezeroak galduko dituzten beldur dira", dio Mikel Aiestaranek, Gipuzkoako Ostalarien Elkarteko kudeaketa arduradunak.

Elkartasun pausoz, bidea egiten

  Osasuna  Bergara

Elkartasun pausoz, bidea egiten

Magali Muruamendiarazek 5 urte beteko ditu otsailean. Bergararra den arren, azken hilabeteotan Galizian bizi da, amarekin eta anaia txikiarekin batera; izan ere, garuneko lesio bat izan zuen jaio zenean eta Galiziako Foltra zentroan garunaren errehabilitazio neurologikoarendako tratamendua jasotzen ari da joan zen abuztuaren amaiera ezkero.

Urteko lehen odol-ateratzeak

  Osasuna  Debagoiena

Bergaran, urteko lehen odol-ateratzeak egin zituzten atzo, urtarrilak 12, eta Arrasaten gaur, 13, 16:30etik 20:00etara, osasun zentroan. Odol-emateek, orokorrean, behera egin zuten iazko urte amaiera aldera eta kopuru horiek hobetzea edo, gutxienez, mantentzea da orain helburu nagusia.