Mendizaleei eskaini die disko berria Juan Carlos Irizarrek

 Oñati Juan Carlos Irizar konposatzaile eta piano jotzaile oñatiarrak mendizaleei eskaini die bere disko berria, Mendiak. Atzo aurkeztu zuen, eguaztena, Donostian.

Arrano tabernara sartzen saiatu dira

 Oñati Tabernaren kanpo aldean dagoen lehioaren markoa hainbat tokitan puskatuta agertu da, eta ateko zerrailan ere, markak daude. Astelehen gauean saiatu ziren tabernara sartzen, baina ez zuten lortu.

Haur Poesia Aretoa zabalik dago gaurtik aurrera

 Oñati Euskarazko poesia oñatiarroi -batez ere, umeei- hurbiltzeko asmoz, Haur Poesia Aretoa zabalduko dute gaur udal haur liburutegiak eta Galtzagorri elkarteak. Erakusketa hori apirilaren 5era bitartean egongo da zabalik, eta, hura bisitatzeaz gain, egitasmo honek poesia ezagutzeko beste ekintza batzuk dakartza: besteak beste, Juan Kruz Igerabide idazlearen ipuin kontakizuna, bihar, martitzena.

Euskadiko turismo bulegoen sarean sartu da Oñatiko bulegoa

 Oñati Oñatiko Udalak eta Eusko Jaurlaritzako turismo sailak hitzarmena sinatu dute gaur. “Itourbask” sarea sortu gura du Jaurlaritzak eta Oñatiko turismo bulegoa sare horretako partaide izateko akordioa sinatu dute gaur. 2005.urterako Euskadin dauden 60 turismo bulegoak izango dira sare horretan.

Markelen lagunartia aurkeztuko dute bihar

 Oñati Markel Irizar txirrindulariaren lagunartia, "peña", aurkeztuko dute bihar iluntzean kultura etxean. Lasterketetan Markel animatu nahi du peña honek. Aukezpena amaitzeko, Markelen gaineko ikus-entzunezko bat emango dute.

Atzeko kalean ezin da autorik aparkatu

 Oñati Marra horiak pintatu dituzte atzeko kalean, espaloi gainean autorik ezin dela aparkatu esateko. Kaleko alde bietan pintatu dituzte, gainera.

200 lagunek hartuko dute parte Oñatiko duatloian

 Oñati Herriko triatloi taldeak antolatuta zapatuan jokatuko da Oñatiko 13. duatloia. Euskal Herriko zirkuituko 10 lasterketetan hirugarrena izango da. Antolatzaileek partaidetza handia espero dute; ibilbidea, urterokoa.

Dena gertu zapatuko punk jaialdirako

 Oñati Orain 21 urteko punk jaialdi handiaren omenezko kontzertua antolatu du Oñatiko Gazte Taldeak. Euskal Herriko zein kanpoko zortzi punk taldek joko dute. Emanaldia 17:00etan hasiko da eta sarrerak 7 eurotan salduko dira.contributors:

Antxintxiketan kirol elkarte berria aurkeztuko dute gaur

 Oñati Momentuz, atletismoko taldearekin lana egingo du elkarte berri honek, baina beste edozein kiroletan sortu daitekeen taldeari laguntzeko gertu dago. Kultura etxean aurkeztuko dute gaur elkarte berri hau iluntzean, 19:00tan.

Pedro Mari Erostarberi gaur egingo diote azken agurra

 Oñati Otsailaren 29an, eskiatzen ari zela, istripua izan eta aurreko ostiralean hil zen Pedro Mari Erostarbe, Frantziako Tolosan. 1988 urtetik Aloña Mendiren eskubaloi saileko presidentea zen Pedro Mari, nahiz eta azkenaldian lan horiek utzita eduki.

Lokalik errentan eman izana ukatu egiten du Udalak

 Oñati Udalak ukatu egin du inoiz lokalik alokatu izana, edo eskatu ez bestelako jarduerarik baimendu izana garaje eta lokaletan. Aldi berean, dio lokalaren edo garajearen jabea dela erantzulea. Era honetara, azken aldian zabaldu diren esamesei erantzuten die Udalak.

Bihar, eguaztena, izango da Artzain Eskolako kurtso amaiera ekitaldia

 Oñati Artzain Eskolak VII. ikasturte amaiera ekitaldia egingo du bihar, eguaztena, martxoak 17. Arantzazuko gogarte-etxean izango da, 12:00etan, eta ikasleek diploma eta artzain-makila jasoko dituzte. Ekitaldia joan den astebururako zegoen aurreikusita, baina atzeratu egin zen.contributors:

Mendi Astea abian dago hilaren 21era arte

 Oñati Ikus-entzutekoen emanaldiak eta Piriniotara ikastaro-irteera bat: horiek dira Aloña Mendi elkarteko mendi sailak egunotarako antolatu dituen ekintzak. Abian dago, hortaz, Mendi Astea.

EAJ-k 2.991, Bergarako Ekimenak 945 eta EA-k 786 boto lortu dituzte

 Oñati Amaitu dute botoen kontaketa Oñatin. Egunean zehar ez da inongo gorabeherarik izan hauteslekuetan. EAJ-k jaso ditu boto gehien eta Bergarako Ekimena izan da bigarrena. Hona hemen partido bakoitzak lortu dituen botoak:

Arazorik ez bozketa egunean

 Oñati Goizeko bederatzietan zabaldu dituzte hauteskunde mahaiak eta arratsaldeko 20:00etan itxi dituzte. Eguna normaltasunez igaro da eta ez da inongo gorabeherarik izan.

Juan Mari Juaristi (EAJ): “Aspertuta gaude batzokietan pintadak egiten dituztenekin”

 Oñati Eusko Alderdi Jeltzaleak ekitaldi politikoa egin du gaur Oñatin. Jose Ramon Beloki kongresurako hautagaia eta Xabier Albistur senaturako hautagaia izan dira Oñatiko batzokian. Gipuzkoa Buru Batzarreko presidente Juan Mari Juaristik gogor kritikatu ditu PP, PSOE eta Bergarako proposamenaren aldekoak.

Ikasturte bukaera Artzain Eskolan

 Oñati Gaur, martxoak 9, egingo dituzte Gomistegiko Artzain Eskolakoek ikasturteko azterketak, eta egubakoitzean, hilak 12, diploma eta makila banaketa ekitaldia egingo da, Arantzazun. Hainbat agintari, artzain, eta ikasleon senideak egongo dira bertan.

Maddi Oihenart eta Josetxo Goia-Aribek emanaldia egingo dute 12an

 Oñati Maddi Oihenart zuberotarrak eta Josetxo Goia-Aribe nafarrak emanaldia egingo dute hilaren 12an, egubakoitza, Santa Ana antzokian, Laixan elkartearen eskutik. Sarrerak salgai daude 5 eurotan Laixanen, Guria tabernan eta kultura etxean.

Izatezko bikoteen erregistroa sortuko du Udalak

 Oñati Izatezko bikoteen erregistroa sortuko du Udalak. Hala onartu berri du Osoko Bilkurak. Erregistroa administratiboa izango da, eta sexu desberdineko zein bereko lagunek osatutako bikoteek izena eman ahal izango dute. Doan izango da.

Zuhaitz azoka egingo dute domekan

 Oñati Natur Ekolak eta Baserritarren Elkarteak antolatu dute domekako zuhaitz azoka. Foruen plazan izango da, goizeko 9:00etan hasita.

Gida komertziala

Gida komertzialeko produktuak

Berogailu eta galdarak
Kolore katalogo osoa
Ile apaindegegia
Sukaldeko altzariak
Prestamo eta hipotekak