Domekan egingo da Aizkorri-Aratz Natura Parkea ezagutzeko hirugarren mendi irteera gidatua

Itziar Larrañaga Sarasola 2017ko eka. 8a, 14:16
Arantzazu Parketxeko mendi irteera gidatuan mendian gora.

2017ko mendi irteeren programaren erdira iritsiz, ekainaren 11n, domeka, Aizkorri-Aratz Natura Parkea ezagutzen jarraitzeko ibilbide berri bati ekingo zaio Arantzazuko Adiskideen eta Arantzazuko Parketxearen eskutik.

Arantzazu Parketxeko 3º mendi-irteera gidatua egingo da igandean 8:30ean hasita. Parketxetik bertatik abiatuko da ibilaldia, Iturrigorriko basoa zeharkatuz Urbiara igoko dira parte-hartzaileak, handik Parketxera berriz itzultzeko ibilbide zirkular bat osatuz.

Zailtasun ertaineko ibilbide bat izango dela esan dute antolatzaileek (10,5 km inguru eginez eta 450 m-ko desnibelarekin), publiko orokorrari zuzendua beraz, eta 4 ordu inguruko iraupena izango duena. Amaitzeko, mendizaleek Aizkorri-Aratz Natura Parkeko interpretazio zentroa bisitatuko dute non eguneko ibilbidearekin erlazionatutako azkeneko azalpenak entzungo dituzten gidaren eskutik.

Mendi irteera gidatuan parte hartzeko 3€ ordaindu beharko dira, eta aurrez izena ematea gomendatzen dute ibilaldiko arduradunek.

Informazio gehiago nahi izanez gero, telefonoz edo posta elektroniko bidez kontaktatu daiteke: 943 78 28 94 / 699 335 183 edo arantzazu@gipuzkoamendizmendi.net

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak