goiena.eus

Grebak eragina izan du Urgainen

 Oñati

Errekaldeko egoitzan ez da eskolarik eta jangela zerbitzurik egongo; ikastetxea, baina, zabalik dago eta zerbitzu minimoak eskainiko ditu. Zuazola-Larraña institutuetan ere greba egingo dute baina hainbat irakaslek eskolak emango dituzte Aita Madinako zein San Lorentzoko eraikinetan. Txiki Txoko haur eskolan normaltasunez jardungo dute. LAB, ELA eta Steilas sindikatuek deitu dute gaurko greba, hezkuntzan ematen ari diren murrizketen kontra.

Erantzunak

Erabiltzailearen aurpegia Erantzuna | #1

EH Bilduk beharrezkotzat jotzen du 2.000 irakasle gehiago txertatzea plantilla estrukturalean eta behin-behinekotasun tasa murriztea.

Hori horrela, EH Bilduk proposamen zehatza egin zuen pasa den astean Legebiltzarrean hezkuntza sistema publikoa indartzeko, azken urteotan kalitate aldetik izan duen beheranzko prozesua gelditzeko, baina EAJk, PPk eta PSEk muzin egin zioten koalizioaren ekimenari.

Nagusiki, Rebeka Ubera legebiltzarkideak hezkuntza sistemaren plantilla estrukturala indartzea proposatu zuen azken urteotan milaka lanpostu galdu direlako. Ohartarazi zuenez, “irakasle gehiago behar ditugu, murrizketen ondorioz ikasle kopurua gero eta handiagoa delako ikasgeletan, eta horrek kalte egiten dio sistemaren kalitateari”.

Hala, EH Bilduk irakasleen plantilla 2.000 plazatan handitzea eskatu zuen, bai eta behin-behinekotasun tasa jaistea ere. Horretarako, bost urte baino gehiago behin-behineko egoeran lanean daraman plantillatik, modu progresiboan, 6.000 lanpostu egonkortu behar direla azaldu zuen Uberak, gogora ekarriz egun behin-behinekotasun tasa izugarri altua dela, %39koa, hain zuzen ere. Bestalde 2009tik 2016ra 211 milioi € gutxiago bideratu ditu Jaurlaritzak hezkuntzara. Eta 2017ko aurrekontuek ere hezkuntzan murrizketak areagotzen dituzte.

Beraz, EH Bilduk bat egiten du LAB, STEILAS eta ELA sindikatuek hezkuntza ez-unibertsitario publikoan deitu duten grebarekin, kalitatezko hezkuntza publikoaren aldeko gure konpromisoa erabatekoa izanik.

EH Bilduk ordezkaritza zabala bidaliko du bihar deituta dauden mobilizazioetara.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa