goiena.eus

Errekargua aplikatzen zaien etxe kopurua %25 jaitsi da Oñatin

  Ekonomia  Oñati GAURKOAK

Badira hiru urte Udal Gobernua errekargua jartzen hasi zela inor erroldatu gabeko etxebizitzei, ohiko bizileku ez diren etxebizitzak, beharra duten herritarrendako bizileku bihurtzeko asmoarekin; 2013an 449 etxebizitzari aplikatu zitzaien eta 2016an, berriz, 342ri.

Datu hauek kontuan hartuta, Mikel Biain Oñatiko alkateak dio lehen hutsik zeuden etxebizitzak alokairura bideratu direla orain, "neurri handi batean".

Politika honek, etxebizitza beharra duten herritarrei laguntzea ez ezik, Oñatin benetan zenbat etxe huts dauden ezagutu eta etorkizunerako etxebizitza politikak diseinatzeko oinarri egokiak ezartzeko aukera ematen du, alkatearen esanetan.

Arau foral batek ahalbidetzen du errekargu hori aplikatzea. %50 eta %150 artean aplikatzeko aukera dago eta Oñatin, %100eko errekargua aplikatzen da. Alkateak dio, hasieran polemika piztu arren, orain onartutzat ematen dela neurri hau Oñatin.

Errekarguarekin lortutako dirua 30 urtez azpiko gazteei zuzenduriko emantzipazio diru-laguntzetara bideratzen du udalak. Izan ere, badira bi urte laguntza hau eskaintzen duela, alkatearen esanetan, "azken urteotako eraikuntza burbuilaren ondorioz,  bereziki kaltetua izan den kolektiboa gazteena delako, euren autonomia maila eta garapena kolpatuz".

Biainen arabera, oraindik hasiera da, jendea pixkanaka badoa jabetzen diru-laguntza hau badagoela eta etorkizunera begira, emaitzak ematen jarraituko duela dio.

Erantzunak

Erantzuna | #1

Benetan alokairura fan ba dia etxebizitza gehixenak, duda barik danondako mesede; bizitzeko etxe bat dakonandako batik bat baina baitta alokatzen jarri dauenandako be. Dana dala, datu konkreziñua biharko litzateke, jeitsiera horren gehiengua benetan alokairuen igoera izan dala konfirmaitteko, eta ez alokatzeko asmorik ez dakoin jabien "tranpia".

Erantzuna | #2

EH Bildu gauzak ondo itten eta xmaerreala-ri horrek fastidixau itten xau, umian moduan pikauta, jajaja. Animo xmaerreala superaukok eta!

Erantzuna | #3

Oker zabitz. Gauzak ondo itten badia betik pozik egoteko arrazoi. Neurri konkretu hontan nik rekonoziu biot fede haundirik ez neukala.
Hemen esaten doten bakarra da datu objetibuak etaratia samurra dala, ez dauela suponiu edo usaina hartu biharrik ze erabiletara fan dian jakitteko.
Pozik bizi.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa