Ekialdeko kristauen alde joan dira erromes Arantzazura

Oihana Elorza Gorostiza 2015ko mar. 28a, 12:17

Gipuzkoa osotik etorri dira erromesak gaurko Arantzazuko igoeran parte hartzeko. Gipuzkoako elizbarrutiak urtero Erramu Zapatuan egin ohi duenez, aurten ere bakearen alde egin dute igoera, Jose Inazio Munilla gotzaina buru dutela. Ekialdeko herrialdeetako kristauak aipatu ditu Munillak igoeraren hasieran, eta Arantzazun bertan egindako homilian ere gogoan izan ditu, Santa Teresarekin batera.

Izan ere, gaur, martxoak 28, betetzen dira 500 urte Santa Teresa Jesusekoa jaio zela Avilan (Espainia). Urteurren hori izan du kontuan Jose Inazio Munilla Gipuzkoako gotzainak Arantzazun eguerdian egin duen homilian. Sirian eta Iraken bizi duten egoera ere ekarri du gerora, eta "jazarpen egoeran bizi diren kristauen" alde egin behar dutela esan du.

Eman hitza errukiari irakur zitekeen pankarta eramaten joan da Arantzazuraino Munilla gotzaina eta haren atzetik Gipuzkoako hainbat herrietatik etorritako erromesak, hala nola: Aiatik, Donostiatik, Azpeititik, Villabonatik, Eibartik, Oñatitik, Debatik, Elgetatik, Ibarratik edo Aizarnazabaldik. Gehienak, autobusetan. Donostian ikasten ari diren estatubatuarrak, zaragozarrak, nafarrak eta Boliviakoak ere bazeuden erromesen artean. Baita Nigeriako mutil bat ere (hauteskundeak dituzte gaur han).

09:30ean puntuan abiatu dira Soraluze paretik, Iñaki Beristainek guztiei egun onak eman ostean; aitaren eginda abiatu dira.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak