Atzo eman zuten behin behineko ebazpenaren berri Ikastolen Gipuzkoako lurralde batzarrean eta Txantxiku Ikastolako ordezkariek "oso pozik" jaso zuten albistea: "Denok gaude albistearekin zoratuta. Sekulakoa da", dio ikastolako zuzendari Zigor Ibarzabalek. "Erronka pedagogiko berriei aurre egiteko erabiliko dugu dirua", gaineratu du. Kilometroak 2017 antolatzen noiz hasiko diren galdetuta dio, 2016ko apirila inguruan hasiko direla.
2016-2017, 50. urteurrena
2016-2017 ikasturtea ospakizunez betea izango da Oñatiko Txantxiku Ikastolarendako. Kilometroak ez ezik, ikastolak 50. urteurrena ospatuko baitu.
Bergarak testigua Oñatiri
Gipuzkoako Ikastolen aldeko jaiak bi geraleku egingo ditu, beraz, Debagoienean. Izan ere, 2016ko urriaren 2an Bergarako Aranzadi Ikastolak antolatuko du Kilometroak. 2017an egingo du Oñatiko Txantxiku Ikastolak.