Partidu amaieran Korkostegi ez zegoen gustura jokalariek egindako lanarekin. Lehia guztian markagailuan atzetik joan ziren eta defentsan gaizki ibili ziren oñatiarrak. Hala, atsedenaldira 12-16 atzetik iritsi ziren.
Erasoan, eraginkorrak
Bigarren zatian zerbait hobetu zuen etxekoen jokoak. Atzealdean sistema aldatu zuten eta horri esker azkeneko 10 minutuak onak izan ziren. Gainera, erasoan fin ibili ziren oñatiarrak. Hala, markagailuari buelta eman eta partidua irabaztea lortu zuten: 34-32.
Jokalari gazteak
Aloña Mendik jokalari gazteez osatutako taldea dauka. "Kalitate handiko jokalariak dira, orain arteko kategorietan maila ona eman dutenak baina oraindik gazteak dira. Bi urte barru emaitza onak ematen hasiko dira", azaldu digu Korkostegi entrenatzaileak.