Argazki lehiaketa antolatu du Natra Oñatik liga hasteko

Jarraitzaileak sarituz hasiko dute liga Natra Oñatikoek bihar. Garaipena saria izango da bai, baina argazki lehiaketa berezia ere antolatu dute. Etxeko partiduetan zaleek argazkiak atera – harmailetako giroa, jokalariekin argazkiak, koadrilen argazkiak, maskotarekin argazkiak… – eta alonamendi.saskibaloi@gmail.com helbidera bidali beharko dituzte klubekoek klubeko Facebookeko orrian eskegi ditzaten. Zaletuek onena bozkatu eta hile bukaeran boto gehien dituenak irabaziko du Sustrai fruta dendaren saski ederra. Hileko irabazle guztien artean Gasteizen jokatuko den Errege Kopako bono bi zozketatuko dira otsailean.