Andoni Azkargortaren Aloñako mutilek azken partiduetan erakutsi duten seriotasuna mantendu zuten zapatuan Trintxerperen kontra egindako partiduan. 90 minutuak partiduan oso sartuta eman zituzten. Gola egiteko hiruzpalau aukera izan zituzten, baina bigarren zatiko 17. minutuan iritsi zen markagailua irekiko zuen gola. Azkargorta pozik dago taldea erakustean ari den sendotasunarekin eta horrela jarraitzea espero du hurrengo jardunaldietan ere.
Arrasatearrek, bestalde, 1-2 irabazi zioten Lesakan Beti Gazteri, eta garaipen berezia lortu zuten, izan ere, Lutxo Iturrino entrenatzailearen iritziz, "orain arteko denboraldiko partidu onena" jokatu zuten, eta "talde osoa" ibili zen ondo. Gainera, 0-2 joan ziren irabazten, baina, azkeneko 10 minutuetan, etxekoek penaltiz sartu zuten gola.