Pepu familiarekin herriko plazan zegoela entzun zuten, eta berehala joan ziren entrenamendu saiora gonbidatzeko asmoaz. Arantzazun, Lucio Muñoz-en omenaldira joateko asmoz gerturatu zen Pepu Oñatira.
Euskadiko kopa
Bigarren urtez, Euskadiko kopan parte hartuko dute oñatiarrek. Datorren asteburuan, UPV eta Araberri taldeen kontra lehiatuko dira, bigarren hauen aurka, Oñatin domekan.
Horrez gain, Donostian garaile irten ziren zapatuan, LEB 2 mailako Askatuak taldearen aurka izan zuten lagunartekoan (56-61). Defentsako lan onak fruituak eman zituen.
Bazkide kanpaina
Datorren egubakoitzean, hilak 21, bazkide kanpaina berria aurkeztuko dute Natra taldekoek Oñatiko plazan. Hitzordua 19:00tan izango da, eta aurreko urteko 600 bazkideak gainditzea da taldearen helburua.
Fitxaketa berriak aurkezteko aprobetxatuko dute ekitaldi hau. Azpeitia Mobel Iraurgitik datoz hiru fitxaketak, eta umeek hauekin jolasteko aukera izango dute plazan bertan, taldeak jarriko duen saski batekin.