Santa Ana antzokia ez zen bete, baina bertaratu zirenak ordu eta erdiko emanaldiaz gozatu zuten. Xabier Ugarte gitarra-jotzaile oñatiarrak aurkeztu zuen emanaldia eta bertan, Azpiazuk konposatutako piezak entzun ziren.
Aida Briceno sopranoa eta Lucia Gomez mezzosopranoak Eduardo Baranzano guitarra-jotzaile uruguaiarra izan zuten lagun. Azken honek, Jose de Azpiazuren gitarra jo zuen Azpiazuren alaba Lupek utzitakoa.
Jose de Azpiazu
1912ko maiatzaren 26an jaio zen. 6 urte zituela, parrokiako abesbatzan hasi zen eta hor jaio zitzaion musikarekiko zaletasuna. Europan eta Amerikan ospea lortu zuen.
1950.urtean Suitzara joatea erabaki zuen. Bertan, Andres Segovia gitarra-jotzaile handiaren semea ezagutu zuen eta hark, Genevako Kontserbatorioan eskolak ematen hasteko gomendioa egin zion. Guztira, zortzi disko grabatu zituen eta Genevan hil zen 1986an.
Hala, Oñatiko musika eskolak bere izena hartu zuen, bere omenez. Donostian, ostera, Azpiazuren izena duen gitarra lehiaketa egiten dute urtero.