Hala, esaterako, gaur, kamera musikari eskainitako egunean, haren piezak interpretatuko dituzte Musikeneko kantu ikasle bik, gitarra jotzaile baten laguntzarekin.
Konpositore garrantzitsuenetako bat
Jose de Azpiazuk musika lan oparoa utzi zuen, bereziki, gitarrarekin edo beste sokazko instrumentu batzuekin joteko partiturak. Gitarra klasikorako zein garaikidearendako. Gitarraren bilakaera ulertzeko, konpositore garrantzitsuenetako bat izan zen.
Oñatin sortu zen 1912an eta zazpi urte zituela herriko parrokiako koruan hasi zen. Haren osabarekin eta norbere kasa ikasitakoa garatzeko, Suitzara abiatu zen, Andres Segoviaren laguntzarekin. Eta gitarra irakasle izan zen Ginebrako eta Luasanako musika kontserbatorioetan, 1950tik 1964ra bitartean.
Ondoren, sokazko instrumentuendako musika ikertu zuen eta hainbat kontzertu eman zituen Ameriketan eta Europan. Hainbat obraren moldaketak egin zituen gitarrarendako. Ginebran hil zen 1986an.
Oñatiko Musika Eskolak haren izena daroa.