Beasaingo antxintxika froga honek 14 kilometro ditu. 7 kilometroko bi itzuli. Aurten egin da lehen aldiz eta Bealak taldeak antolatu du. Martxoaren 26an Diego Gartzia maratoi erdia ospatzen da eta lasterketa hau prestaketa bezala oso ondo dator antxintxikalariendako. Ritxar Fernandezek 46 minutu eta 56 segundo behar izan zituen, lasterketa irabazi zuen Valdivielsok baino 36 segundo gehiago, hain justu ere. Oñatiarraren atzetik sailkatu ziren Mikel Rodriguez andoaindarra (00:47:32), Xabin Aranaga azpeitiarra (00:47:35) eta Gonzalo Sukuntza lasartearra (00:47:39). Nesketan, Nerea Etxeberria azpeitiarra (00:55:18) izan zen azkarrena.
Beste debagoiendarrak
Antxtintxiketan Kirol Elkarteko beste korrikalari batzuek ere hartu zuten parte. Hala, Unai Narbaiza antzuolarra 11. postuan sailkatu zen (00:49:21); Arkaitz Ruiz de Lozaga bergararra 20. postuan (00:50:12) eta Asier Osinaga oñatiarra 28. (00:51:27).