Lehen fasea sailkapen fasea izan zen. Guztiek zituzten zazpi bide egiteko. Sergio Maiztegik finkatutako bideak kateatzeko ordubete izan zuten.
Eskalatzailerik onenak izan ziren: Angel Lera (32 puntu), Jon Agirre (31), Julen Etxeberria (28) eta Jon Murillo (24).
Finalean bost bide zehaztu zituen Maiztegik. Parte-hartzaile gutxi zegoenez, guztiek izan zuten aukera finaleko bideak probatzeko. Ordubete izan zuten ahalik eta goren heltzeko. Proba bukatzeko minutu bat falta zenean parte-hartzaileetako bati –Jon Murillori– sorbalda irten zitzaion. Anbulantziak eraman zuen eskalatzailea ospitalera eta txapelketa bukatutzat eman zuten. Gauean elkarrekin afaldu zuten.