Ertzaintzak iaz esku hartu zuen genero indarkeria kasuen %35etan, biktimek 18 eta 30 urteen artean zituzten.
Gauzak horrela, hainbat erakundetatik abiarazitako Beldur barik! kanpainak, gazteen artean jarrera sexistarik ez izatea du helburu. Hori dela eta, Oñatiko Udalakpegatina lehiaketa antolatu du ikastetxeetako neska-mutikoen artean, eta gaur eman dituzte jakitera irabazleak. Jone Medrano, Anartz Azkarate, Izar Biain, Jorge Espinal eta Irati Barrenak osatutako taldea izan da irabazle, Ez isildu, ez izan indarkeriaren konplize leloa duen lanarekin. 30 lan aurkeztu dira denera lehiaketara eta ikasbidairako izango den diru sariaz gain, talde irabazlearen lana jaietan ikusiko da, pegatina edo txapa formatuan.
Sari banaketan, Lourdes idoiaga alkateak neska-mutikoek egindako lana eskertu du, eta esan du eredu direla. Gaurko osoko bilkuran Berdinsareak landutako adierazpena aurkeztuko duen adierazpena ere azaldu du Idoiagak.