Joan den astean, Ezker Abertzaleak prentsaurrekoa egin zuen gazteriaren inguruan Oñatin sortu diren azken gertakizunen inguruko iritzia emateko. Ezker Abertzaleak esan zuen Gaztelekua zein Gaztetxea zilegiak direla Oñatin, baldin eta norberarekin askatasuna zein elkarbizitzarako oinarrizko arauak errespetatzen diren. Gaztetxea okupatu zutenetik gazteria EAJren mehatxupean bizi dela ere esan zuen.
Udal Gobernu Batzordeak adierazpen hauei erantzun die orain, gazteek zuen kontrola ere ez dutela onartuko esanaz.
Gazte Batzordea
Udal Gobernu Batzordeari bitxia eta esanguratsua iruditzen zaio Ezker Abertzaleak Gazte Batzordearen bileretara huts egiteaeta benetan akordioaren bila eta gazteen alde badaude, ekarpenak han egiteko esan die.
Bestalde, Udal Gobernu Batzordeak gogoratu nahi dio Ezker Abertzaleari, beti jaso duela euren babesa Gaztelekua Oñatiko gazteriarendako azpiegitura izan zedin eta orain arte bat etorri direla Gaztelekuaren irekitze eta ixte ordutegiarekin eta adinari eta kontsumoari mugak jartzeko orduan.
Bestetik, Gaztetxean gertatzen ari diren arau hausteen erantzule ez egiteko eskatzen dio Udal Gobernu Batzordeak Ezker Abertzaleari eta esaten dio berak ere jakin badakiela Gazte Asanbladako kideekin hitz egiten ari dela Udala.