Bihar, zapatua, bazkide kanpaina inauguratzeko jaialdia izango da Herriko plazan. Mahaietan, jendeak informazioa batu eta bazkide egiteko aukera izango du. Aurrerantzean, mahaiak asteburutan ipiniko dituzte: zapatuetan, 12:00-14:00 eta 19:00-21:00 ordutegian, eta domeketan, 12:00-14:00.
Martxoko ekitaldiak
Martxorako hiru ekitaldi antolatu ditu Laixanek:
- Martxoak 3, eguena: Kimuak film labur emanaldia, kultura etxean, 20:00etan. Koldo Almandoz filmetako baten zuzendaria han egongo da eta berriketaldia egiteko aukera izango da.
- Martxoak 4, egubakoitza: bertso-trama izango da Santa Anan, 22:30ean, Korrika Kulturalaren barne. Euskara eta euskalkien gainean jardungo dute Maialen Lujanbio, Amets Arzallus, Andoni Egaña eta Angel Mari Peñagarikanok.
- Martxoak 18, egubakoitza: kontzertua gaztelekuan, 22:30ean, Kultur Errotaren eskutik.