Abenduaren 5a eta 6a izan dira bisitari gehien etorri diren egunak ( 125 eta 174 lagun hurrenez hurren ). Horietatik gehienak gipuzkoarrak izan dira, tartean oñatiar asko.
Turismo bulegoak emandako datuen arabera, guztira 456 bisitari egon dira herrian abenduko zubian:
- Gipuzkoatik, %44
- Bizkaiatik, %16
- Oñatitik, %14
- Kataluniatik, %8
- Arabatik, %4
- Nafarroatik, %3
Unibertsitateko kapera eta erretaula
Joan den eguenean ekarri zuten eraberritutako erretaula unibertsitatera eta bere tokian jarri zuten berriro. Horrekin batera azken urtetan itxita egon den kapera ere zabaldu zuten. Turista askok, biak bisitatu dituzte herriko gainerako txokoez gain. Egunero egin dituzte bisita gidatuak eta 218 lagunek hartu dute parte ibilaldi horietan.