Hainbat bazkidek hala eskatuta, bigarren eskuko mendi eta eski materialaren azoka antolatu du Aloña Mendi elkarteak. Azokaren helburua da gutxitan erabili izan den materialari irtenbidea ematea. Salmenta bera hilaren 22tik 24ra bitartean izango da, baina materiala hilaren 15etik 17ra bitartean jasoko dute euren bulegoetan, 2. solairuan, 19:00-20:30 ordutegian. Gura duen orok utzi ahal izango du materiala azokarako, eta gauza bakoitzaren prezioa ere jabeak ipini beharko du.
Mendi irteera
Bestetik, Urkiola-Jarindo-Benta Fria mendi irteera ere antolatu dute azaroaren 21erako, domeka. Parrokia aurrealdean bilduko dira, 08:00etan. Izena emateko, Aloña Mendi tabernara joan behar duzue azaroaren 18an, azken egunez. Bazkideendako, 9 euro da; gazteendako, 6, eta gainerakoendako, 12.