Olakua auzoko haurreskola bihar, zapatua, inauguratuko dute. Haurreskolak partzuergoko kudeatzaile Maite Larrañaga eta Oñatiko alkate Andoni Gartziak zuzenduko dute ekitaldia. Bestalde, 11:00etatik 14:00ak bitartean, gura duten guztiek ikastetxea bisitatzeko aukera izango dute.
Izenematea, astelehenean zabalik
Hala ere, ikasturtea urriaren 5ean hasiko da, San Migel jaien ondoren. Izena emateko epea astelehenean, irailak 27, zabalduko da, eta urriak 8a arte izango da horretarako aukera. Udaletxeko Hezkuntza Sailera jo behar da horretarako. Han bertan, gurasoek orri informatiboak dituzte eskura. Hileko kuota da 135 euro, bost ordu edo gutxiagoko zerbitzuagatik; eta 180 euro, hortik gora. 0-1 urte bitarteko hamar umerendako lekua du, eta 1-2 urte bitarteko beste hainbesterendako.