Orain 21 urte, Oñatiko pilotalekuan, punk mugimenduko talderik onenetariko batzu elkartu ziren. Hain zuzen, Cicatriz en la Matriz, Vulpess, Ultimo Resorte, Cirrosis, Odio, Basura, Desorden eta RIP taldeek jo zuten ordukoan. Jaialdi handi hura gogora ekartzeko, edo bizi izan ez zutenei haren berri emateko, zortzi talderen kontzertua egongo da zapatuan, hilak 20.
Hona hemen joko duten taldeak: Commando 9 mm (Madril), Subversión X (Santurtzi), Las perras del infierno (Iruñea), Penadas por la ley (Argentina), Makarras (Cadiz), Kañeria 13 (Arrasate), Golpe de Estado (Oñati), eta Josu Distorsión y los del puente romano (Salamanca). Emanaldia 17:00etan hasiko da. Lehenengo lau taldeek jo ondoren, etenaldia egingo dute, eta segidan, jaialdiak aurrera egingo du punk zale guztien gozamenerako.