Ikus-entzuteko emanaldiak egongo dira egunero hilaren 18ra arte, eguena. Mendizale ezagunek hartzen dute parte ekitaldi hauetan. Emanaldiak kultura etxean dira, 19:30ean.
Gaur, martitzena, Yosemite eta Naranjo, bi pareta handi era librean izeneko emanaldia egingo dute Eneko eta Iker Pou anaiek. Oraindik amaitzear dagoen 7 kontinente, 7 igoera proiektuaren atal bat aurkeztuko digute. Oraingoan, AEBetako Yosemite mendilerroko eta Europako Tontorretako igoeren berri emango digute.
Bihar, eguaztena, Carlos Vieira eta Mikel Saez de Uraibainek Amerika, ipar eta hego emanaldia egingo dute; eta eguenean, Alberto Iñurrategiren Hire Himalaya ikusteko aukera izango da.
Tena bailarara irteera
Piriniotan ikastaro-irteera antolatu du Aloña Mendik. Asteburua elurretan pasako dute, Tena bailaran. Parte hartzeko, ezinbestekoa izango da federatua egotea.