Iñaxio Arregi, GOIENAko zuzendari nagusia, Andoni Gartzia, alkatea, eta Amaia Kastaños, Laixan euskara elkarteko presidenteak hitz egin zuten aurkezpenean. Hirurek, bat egin zuten Asteleheneko Goienkariarekin.
Udaletxeko areto nagusian, ordea, beste hainbat lagun ere egon ziren aurkezpenean. Esaterako, Juan Zelaia enpresaria, Mª Karmen Galdos lekaimea, Ereitten herri plataformako kideak, udaleko zinegotziak, Laixan elkarteko kideak, kazetariak, EH-ko zinegotzi ohiak eta Aloña Mendiko ordezkariak, besteak beste.
GOIENA egitasmoa
Astekari berriaz gain, GOIENA proiektua bera ere aurkeztu zuten. Iñaxio Arregik azaldu zituen egitasmo honen ibildea eta asmoak. Goiena Komunikazio Zerbitzuak kooperatibaren barruan, telebista, irratia, internet zerbitzua eta prentsa idatzia sartzen direla azaldu zuen.
Goiena.net
Helburua herriko eta ibarreko notiziak herritarrei helaraztea da. Euskaraz, noski. Eta aldi berean, herritarren interesak eta iritziak jasotzea.
Aukeretako bat, www.goiena.net helbidea da.