Hilero antolatu ditu odol-ateratzeak Oñatiko batzordeak, uztailean eta abuztuan izan ezik. Hona hemen odola ematera joateko egunak: urtarrilean, hilaren 16an; otsailaren 13a; martxoaren 12a; apirilaren 23a; maiatzaren 14a; ekainaren 11; irailaren 17a; urriaren 15a; azaroaren 12a; eta abenduaren 10a, guztiak egubakoitzak. Ateratze guztiok Txantxiku Ikastolan izango dira, 18:00etatik 20:00etara.
Mugak
Batzordeak gogorarazten duenez, ez da komenigarria muga jakin batetik gora odola ematea. Emakumeondako, urtean hiru odol-ateratze da muga; lau hilabetero ematea gomendatzen dute. Gizonezkook, berriz, lau aldiz eman dezakete odola urtean, gehienez ere; hiru hilabetean behin, gutxi gorabehera.