Txantxi Kirolak denda egon zen lokalean egokituko du Oñatiko Parrokiako Misio Taldeak bere bidezko merkataritza denda. Egubakoitzean, abenduak 19, zabalduko dute, domekara arte, abenduak 21. Bidezko Merkataritzako janariak eta Afrikako artisautza produktuak salduko dituzte. Denda egubakoitz arratsaldean irekiko dute, eta zapatu eta domekan goiz eta arratsaldez egongo da zabalik.
Bidezko Merkataritza eta hirugarren munduko herrialdeekiko harremanak sustatzearen inguruko kezka ez da berria Oñatin. Horren adibide da Elkar Hezi ikastetxeak hilaren 13an egindako azoka; bertan, hainbat Gobernuz Kanpoko Erakundek hartu zuten parte.