Kopuru altuak eragin zidan hasierako alerta; ondoren, harridura etorri zen erasotzaileen jarreraren berri izatean: erasoa egin ostean, jai-girora bueltatu zirela hainbat kasutan; tartean, asteleheneko bortxaketaren ondoren entzierrora joan ziren lasai asko.
Martitzenean jakin nuen Bilboko BBK Live jaialdian eraso sexista batengatik gizonezko bat atxilotu dutela, eta Arrasaten, berriz, indarkeria matxista kasu baten salaketa izan dela. 2016. urtean gaude. Parekidetasun, berdintasun, salaketa… berbekin ahoa betetzen zaigu. Oso modernoak gara. Baina errealitatea burugogorra da. Eta ozen dabil esaten oker gabiltzala.