Ilusionistak

Erabiltzailearen aurpegia Lukene Igartua 2017ko api. 9a, 15:00

Korrika datorrela-eta debagoiendarrok antxintxika hasiko dugu asteburua. Aurtengo abesti optimistak Zirkorrikako trapezistak, malabaristak eta funanbulistak aurkezten dizkigu, eta denok euskararen ilusionistak garela dio. Abestien hitzek dutena zera da, bakoitzak berera ekartzen duela letren esanahia.

Bizirauten espezialistak aipatzen dituztenean nire burura datoz elbarritasun edo urritasun bat dutelako egunerokoan esfortzu berezi bat egin behar dutenak. Ekilibristak dirudite batzuek, gurpil aulkiarekin denda batean sartu nahian, akrobatak beste batzuek, bankura edo notarioarenera hurbiltzeko orduan.

Bizirauten espezialistak soseguz mugitzen dira, oztopoak gaindituz, behar duten denbora hartuz. Hankekin antxintxikarik egin ezin duten, baina bihotzarekin korrika eta hegan egiteko gai diren ilusionistak direlako.

Mundu bat amaitzen da abestia, denok bat egiten duguna, batzuk besteen azalean jartzen garen lekua, eta zailtasunak dituztenei korrika egiteko bideak zabaltzen diegun mundua.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak