Hauteskundeak, hezkuntza, eskola

Erabiltzailearen aurpegia Lukene Igartua 2016ko eka. 17a, 09:14

Aste honetako iritzia emateko gaiari buruz pentsatzen, irakasleon opor garaiari buruzko umorezko zutabe bat nuen buruan, ekainaren lehen astetik behin eta berriz “Oporrentan zauzei?” galderari nola erantzuten diogun, edo horrelako zerbait.

Baina, umorea joan zait kurtso amaiera honetan. Hauteskundeetan gauden garai honetan politikarien hitz hutsalek amorrazioa eragiten didate. Gobernuan dauden alderdiek hezkuntza dute ahotan une oro; egunerokoan, berriz, eskola publikoari dioten errespetu falta nabarmena da.

Donostialdeko ikastetxe publikoko zuzendariek agiri bat plazaratu zuten asteazkenean, esaldi honekin amaitzen zutena: "Eskatzen duguna zera da, erakunde publikoek irakaskuntza publikoa benetan zaintzea". 

Esajeratzen ari ote dira? Adibide bat: Eskola publikoko irakasle bat gaixotzen denean bost egunetan Hezkuntza sailak ez du ordezkorik jartzen. Baina lasai, datorren kurtsotik aurrera, hamar egunetan ez da ordezkapenik egingo. "Ikasleak bitartean?", galdetuko duzue, galdera ona!

Guztia konpontzeko gobernarien taktika erraza da, "errua beste gobernuak dauka, beste alderdiak". Bestela, irakasleen ordutegi, opor eta alferkeriak plazaratuta iritzi publikoan dudak sortzen dituzte.

Nerea egiten dut Donostialdeko zuzendarien aldarrikapena.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak